Indian Film Industry Blockbuster Movies 2023 : ఇండియన్ ఫిల్మ్ ఇండస్ట్రీలో ప్రథమార్ధంలో బంపర్ హిట్ అందుకున్న సినిమాల లిస్ట్లో.. 11 చిత్రాలతో టాలీవుడ్ టాప్లో ఉంది. తెలుగు తర్వాత కోలీవుడ్ (తమిళం) 10 సినిమాలతో రెండో స్థానంలో నిలవగా.. బాలీవుడ్ నుంచి ఈ ఫస్ట్ హాఫ్లో ఐదు సినిమాలే హిట్గా నిలిచి మూడో స్థానంలో ఉంది. కాగా మాలీవుడ్ (మలయాళం) మూడు సినిమాలతో నాలుగో స్థానంలో నిలిచింది. అయితే ఈ ప్రథమార్ధంలో శాండల్వుడ్ (కన్నడ ఇండస్ట్రీ) నుంచి ఒక్క హిట్ కూడా రాకపోవడం గమనార్హం.
ఈ ఏడాది ఫస్ట్ హాఫ్లో టాలీవుడ్.. తెలుగు ప్రేక్షకులకు కావలసినంత వినోదాన్ని పంచింది. సంక్రాంతికి మొదలుకొని మండు వేసవి జూన్ వరకూ డబ్బింగ్ చిత్రాలు కాకుండా.. బాక్సీఫీస్ వద్ద హిట్గా నిలిచిన సినిమాలేంటో చూద్దాం.
- వాల్తేరు వీరయ్య - ఈ సినిమాతో మెగాస్టార్ చిరంజీవి రూ. 200 కోట్ల క్లబ్లో చేరారు.
- వీరసింహారెడ్డి - దర్శకుడు గోపిచంద్ మలినేని.. నటసింహం నందమూరి బాలకృష్ణను మాస్ లుక్లో చూపించారు. ఈ సినిమాలో బాలయ్య తన నటనతో ఫ్యాన్స్ను ఉర్రూతలూగించి మంచి హిట్ను అందుకున్నారు.
- రైటర్ పద్మభూషణ్ - నటుడు సుహాస్ మిడిల్ క్లాస్ అబ్బాయిగా మెప్పించి క్లీన్ హిట్ అందుకున్నారు.
- సర్ - గోల్డెన్ బ్యూటీ సంయుక్త మేనన్, స్టార్ హీరో ధనుష్ జంటగా రొమాంటిక్ యాక్షన్ ఎంటర్టైనర్గా తెరకెక్కిన ఈ సినిమా అన్ని వర్గాల ప్రేక్షకులను ఆకట్టుకుంది.
- వినరో భాగ్యము విష్ణుకథ - యంగ్ హీరో కిరణ్ అబ్బవరం ఫ్యామిలీ ఎంటర్టైనర్గా ఈ సినిమాతో మెప్పించారు.
- బలగం - కుటుంబ కథా నేపథ్యంలో వేణు యెల్దండి తెరకెక్కించిన ఈ సినిమా.. ఊహించని రీతిలో భారీ సక్సెస్ అయ్యింది.
- దాస్ క దమ్కీ - విశ్వక్సేన్ స్వీయ దర్శకత్వంలో ఈ సినిమాను తెరకెక్కించి మరో హిట్ అందుకున్నారు.
- దసరా - అద్భుతమైన ఫ్యామిలీ ఎంటర్టైనర్గా రూపొందిన ఈ చిత్రం రూ. 100 కోట్లు వసూలు చేసింది. కాగా న్యాచురల్ స్టార్ నాని కెరీర్లో అతి పెద్ద హిట్గా నిలిచింది దసరా మూవీ.
- విరూపాక్ష - ప్రమాదం నుంచి కోలుకున్న తర్వాత హీరో సాయి ధరమ్తేజ్ విరూపాక్షతో థియేటర్లలో సందడి చేశాడు. బాక్సాఫీస్ వద్ద ఈ సినిమా మంచి కలెక్షన్స్ను రాబట్టింది.
- మేం ఫేమస్ - యూట్యూబ్లో నుంచి సినీ ప్రస్థానం ప్రారంభించి.. స్వీయ దర్శకత్వంలో వెండితెరపై వెలిగారు కుర్రహీరో సుమంత్ ప్రభాస్. సినిమాకు సొంతంగా ప్రమోషన్స్ చేసుకొని ప్రేక్షకులను థియేటర్ల వరకూ రప్పించారు.
- సామజవరగమన - హీరో శ్రీ విష్ణు మంచి ప్రయత్నమే సామజవరగమన. అంచనాల్లేకుండా వచ్చి.. హౌజ్ఫుల్ బోర్డుతో దూసుకెళ్లింది ఈ సినిమా.
కోలీవుడ్లో బంపర్ హిట్ కొట్టిన సినిమాలు..
- వారిసు
- తునీవు
- దడ
- వాతి
- అయోతి
- విడుతలై
- గుడ్నైట్
- పిచాయ్క్కరన్ - 2
- పొర్తోజిల్
- మామన్నన్
బాలీవుడ్లో బంపర్ హిట్ కొట్టిన సినిమాలు..
- పఠాన్ - షారుక్ ఖాన్
- తుజ్హోతీమే మక్కర్
- ది కేరళ స్టోరీ
- జర హట్కే.. జర బచ్కే
- సత్య ప్రేమ్ కీ కథ
మాలీవుడ్లో హిట్ అందుకున్న సినిమాలు..
- రోమన్చామ్
- 2018 సినిమా
- మధుర మనోహర మోహమ్
