8000 మందితో సినిమా షూటింగ్​ - భారతీయుడి కోసం శంకర్​ భారీ ప్లాన్​​!

Indian 2 Shooting : కమల్​ హాసన్.. స్టార్​ డైరెక్టర్​ శంకర్​ కాంబోలో తెరకెక్కుతున్న 'ఇండియన్‌ 2' మూవీ ప్రస్తుతం శరవేగంగా షూటింగ్​ జరుపుకుంటోంది. ఈ క్రమంలో తాజాగా మూవీ టీమ్​ ఓ భారీ స్కెచ్ వేసింది. ఆ విశేషాలు మీ కోసం..

Indian 2 Shooting : లోక నాయకుడు కమల్​ హాసన్.. స్టార్​ డైరెక్టర్​ శంకర్​ కాంబోలో తెరకెక్కుతున్న లేటెస్ట్ మూవీ 'ఇండియన్‌ 2'. 90స్​లో బ్లాక్​ బస్టర్ టాక్ అందుకున్న 'ఇండియన్​-1'కు సీక్వెల్​గా రూపొందుతున్న ఈ చిత్రం ప్రస్తుతం షూటింగ్ దశలో ఉంది. అయితే ఇప్పటికే పలు మార్లు ఈ సినిమా చిత్రీకరణ వాయిదా పడగా.. తాజాగా మరో షెడ్యుల్​తో శంకర్​ టీమ్​ రంగంలోకి దిగనుంది. ఈ క్రమంలో ఇప్పుడు ఈ సినిమా షూటింగ్​ విజయవాడలో జరగనుంది. ఇందుకోసం ఇప్పటికే శంకర్‌ కొన్ని లొకేషన్స్‌ను ఖరారు చేశారని సమాచారం.

దాదాపు పదిరోజుల పాటు సాగే ఈ చిత్రీకరణలో కమల్​తో పాటు ఇతర నటీనటులు పాల్గొననున్నారట. ఇక్కడే శంకర్​ ఓ క్రేజీ సీక్వెన్స్​ను తెరకెక్కించేందుకు ప్లాన్​ చేశారట. ఇక ఈ షూటింగ్ కోసం సుమారు 8000 వేల మంది జూనియర్ ఆర్టిస్ట్​లను తీసుకున్నట్టు సమాచారం. ఇక విజయవాడ షెడ్యూల్‌ తర్వాత వైజాగ్‌లో కూడా కొంత షూటింగ్‌ జరుగుతుందని సమాచారం.

• " class="align-text-top noRightClick twitterSection" data="">

Indian 2 Movie Cast : ఇక ఇండియన్​-2 సినిమా విషయానికి వస్తే.. భారీ బడ్జెట్​తో తెరకెక్కుతున్న ఈ సినిమాలో సిద్దార్థ్, రకుల్ ప్రీత్ సింగ్, కాజల్ అగర్వాల్, ప్రియా భవాని, వెన్నెల కిశోర్, బ్రహ్మానందం లాంటి స్టార్స్​ కీలక పాత్రలు పోషిస్తున్నారు. లైకా ప్రొడక్షన్స్ బ్యానర్​పై ప్రముఖ నిర్మాత సుభాస్కరణ్ ఈ సినిమాను రూపొందిస్తున్నారు. మ్యూజిక్ సెన్సేషన్ అనిరుధ్ రవిచంద్రన్ ఈ చిత్రానికి సంగీతం అందిస్తున్నారు. రత్నవేలు, రవి వర్మ సినిమాటోగ్రఫీ బాధ్యతలు నిర్వర్తిస్తున్నారు.

Indian 2 Movie Shooting : ఎప్పుడో మొదలైన ఈ సినిమా షూటింగ్​.. అనివార్య కారణాల వల్ల వాయిదా పడుతూ వచ్చింది. కానీ అన్నీ అడ్డంకులను అధిగమించి ఈ సినిమా ఇప్పుడు శరవేగంగా పూర్తవుతోంది. అయితే ఓ వైపు ఈ సినిమా కంప్లీట్​ అవుతోందని కమల్ ఫ్యాన్స్​ సంబరాలు చేసుకుంటుంటే.. మరోవైపు చెర్రీ ఫ్యాన్స్ మాత్రం కాస్త అసంతృప్తిగానే ఉన్నారు. 'గేమ్​ ఛేంజర్' సినిమా విషయంలో శంకర్​ ఎటువంటి అప్​డేట్​ ఇవ్వకపోవడమే దీనికి కారణం.

'ఇండియన్ 2' లేట్ అవుతుండటం వల్ల రామ్ చరణ్ తో 'గేమ్ ఛేంజర్' సినిమాను పట్టాలెక్కించారు శంకర్​. అయితే మళ్లీ కమల్ హాసన్ సినిమా షూటింగ్ ప్రారంభించి.. రెండు సినిమాల పనులను చూసుకుంటూ వచ్చారు. దీంతో రామ్ చరణ్ సినిమా గురించి ఎటువంటి బజ్​ బయటకి రావడం లేదు. 'గేమ్​ ఛేంజర్​' నిర్మాత దిల్ రాజు కూడా ఈ సినిమా గురించి ఏదైనా శంకర్​నే అడగాలని చెబుతున్నారు. అంతే కాకుండా ఎప్పటికప్పుడు కంటెంట్ లీక్ అవుతుండటం వల్ల కూడా మెగా అభిమానులను ఆందోళ చెందుతున్నారు. ఏదీ ఏమైనప్పటికీ.. ఇప్పుడైనా 'గేమ్ ఛేంజర్' సినిమా గురించి అప్​డేట్​ ఇస్తే బాగుంటుందని ఫ్యాన్స్ అభిప్రాయపడుతున్నారు.