సాధారణంగా సినీతారలు కనిపిస్తే అభిమానుల ఆనందానికి హద్దులు ఉండవు. వాళ్లతో కలిసి ఒక్క సెల్ఫీ అయినా దిగాలని ఆరాటపడుతుంటారు. అలాగే కొన్ని సందర్భాల్లో స్టేజీపై హీరో కనిపించగానే వెంటనే సెక్యురిటీ సిబ్బందిని దాటి మరీ స్టేజీ ఎక్కి వారి మీద పడిపోతుంటారు. హీరోల పాదాలు తాకి జన్మ ధన్యమైపోయినట్లే ఫీలవుతారు. ఇలాంటి సంఘటనలు ఇదివరకు మనం చాలానే చూశాం. కానీ ఈసారి మాత్రం అందుకు భిన్నంగా జరిగింది. స్టార్ హీరో హృతిక్రోషన్ అందరూ చూస్తుండగానే తన అభిమాని పాదాలకు నమస్కరించాడు.
సినిమా షూటింగ్స్‌తో బిజీగా ఉండే హృతిక్ తాజాగా ఓ ప్రైవేటు ఈవెంట్‌లో పాల్గొన్నారు. ఈ సందర్భంగా స్టేజ్‌పైకి వచ్చిన ఓ అభిమాని హృతిక్ కాళ్లకు నమస్కారం చేశాడు. అభిమాని చేసిన పనికి ఆశ్చర్యపోయిన హృతిక్ వెంటనే మర్యాదపూర్వకంగా అతని కాళ్లనూ తాకాడు. ఆయన చేసిన పనిని మెచ్చుకుంటూ పలువురు అభిమానులు ఈ వీడియోని నెట్టింట షేర్‌ చేశారు. హృతిక్ సింప్లిసిటీకి ఇది నిదర్శనం అని పేర్కొంటున్నారు.
ఇక, సినిమాల విషయానికి వస్తే ఆయన ప్రధాన పాత్రలో నటించిన 'విక్రమ్‌ వేద' వచ్చేనెలలో ప్రేక్షకుల ముందుకు రానుంది. కోలీవుడ్‌ హిట్‌ మూవీ 'విక్రమ్‌ వేద'కు రీమేక్‌ ఇది. సైఫ్‌ అలీ ఖాన్‌ కీలకపాత్రలో నటించారు.
ఇదీ చూడండి: రంభ, ఊర్వశికైనా ఇంత అందం సాధ్యమా
