Hrithik Roshan Fighter Movie Trailer : సిద్ధార్థ్‌ ఆనంద్ దర్శకత్వంలో హృతిక్ రోషన్, దీపికా పదుకొణె ప్రధాన పాత్రల్లో నటించిన సినిమా 'ఫైటర్'(Fighter Movie). పూర్తి స్థాయి యాక్షన్ చిత్రంగా ఇది రూపొందింది. అనిల్ కపూర్ కీలక పాత్ర పోషించారు. ఈ చిత్రం జనవరి 25న గ్రాండ్గా రిలీజ్ కానుంది. ఇప్పటికే రిలీజ్ చేసిన పోస్టర్స్, గ్లింప్స్ ఆడియెన్స్లో భారీ స్థాయిలో అంచనాలను పెంచేశాయి. తాజాగా ఈ చిత్ర ట్రైలర్‌ను విడుదల చేసింది మూవీటీమ్. గాల్లో యాక్షన్ సన్నివేశాలు, దేశభక్తి ఉట్టిపడేలా ఉన్న ఈ ప్రచార చిత్రం గూస్‌బంప్స్‌ తెప్పిస్తోంది. మీరూ చూసేయండి.
ఇకపోతే ఈ ప్రచార చిత్రంలో విజువల్స్ హాలీవుడ్ రేంజ్లో ఉన్నాయి. ఈ చిత్రంలో హృతిక్, దీపిక, అనిల్ కపూర్- ఫైటర్ జెట్ పైలట్స్గా నటించారు. ఇంకా ఈ చిత్రంలో కరణ్ సింగ్ గ్రోవర్‌, అక్షయ్‌ ఒబెరాయ్‌, సంజీదా షేఖ్‌, తలత్‌ అజిజ్ ఇతర కీలక పాత్రలు నటించారు. యాక్షన్ ఇంటెన్స్ సన్నివేశాలు, పాకిస్థాన్ పై, టెర్రరిస్టులపై అటాక్ సీన్స్, దేశభక్తి ఎమోషన్తో సైనికుల విన్యాసాలు, హృతిక్- దీపిక రొమాన్స్ ఇలా అన్ని అంశాలను ట్రైలర్లో చూపించి సినిమాపై మరిన్ని అంచనాలు పెంచేశారు. 2024 జనవరి 25న రిపబ్లిక్ డే కానుకగా మూవీ రిలీజ్ చేయనున్నట్లు అనౌన్స్ చేశారు మేకర్స్. పఠాన్ తర్వాత సిద్దార్థ్ ఆనంద్ కాంపౌండ్‌ నుంచి వస్తున్న మూవీ కావడంతో దీనిపై భారీగానే అంచనాలు ఉన్నాయి. ఈ చిత్రంతో సిద్దార్థ్ ఆనంద్ హ్యాట్రిక్ కొడతారని బాలీవుడ్ వర్గాలు భావిస్తున్నాయి. పుల్వామా అటాక్ నేపథ్యంలో ఈ చిత్రాన్ని రూపొందించినట్లు తెలుస్తోంది. ఏరియల్ యాక్షన్తో తెరకెక్కుతున్న తొలి భారతీయ సినిమా ఇది. అలానే హృతిక్ రోషన్ నుంచి వస్తున్న తొలి 3డీ చిత్రం కూడా ఇదే కావడం విశేషం. మూవీని 3డీ ఐమాక్స్ ఫార్మాట్లో రూపొందించారు. చిత్రాన్ని వయాకామ్‌ 18 స్టూడియోస్‌ - మార్‌ఫ్లిక్స్‌ పిక్చర్స్‌ సంయుక్తంగా నిర్మించాయి. ఇకపోతే ఫైటర్ ట్రైలర్ విడుదల సందర్భంగా హీరో హృతిక్ రోషన్ ప్రేక్షకులకు అభిమానులకు మకర సంక్రాంతి శుభాకాంక్షలు తెలిపారు.
- " class="align-text-top noRightClick twitterSection" data="">
మెగా ఫ్యామిలీ ఫుల్‌ ఫొటో - స్పెషల్ అట్రాక్షన్గా అకీరా, ఆద్యా
'నా సామి రంగ' ఫస్ట్ డే కలెక్షన్స్ - ఊహించిన దాని కన్నా ఎక్కువగా!
