OTTలో ఇంట్రెస్టింగ్​ తెలుగు క్రైమ్ థ్రిల్లర్.. నాలుగు రోజుల్లోనే సెన్సేషనల్​ రెస్పాన్స్​.. చూశారా?

Hidimba OTT Platform : అశ్విన్ బాబు- నందిత శ్వేత నటించిన 'హిడింబ' మూవీ ఓటీటీలో మంచి రెస్పాన్స్ అందుకుంటోంది. విడుదలైన నాలుగు రోజుల్లోనే ఊహించని రెస్పాన్స్​ను అందుకుంది. ఆ సంగతులు..

Hidimba OTT Platform : అశ్విన్ బాబు.. అంటే టక్కున గుర్తుపట్టకపోవచ్చు గానీ ప్రముఖ యాంకర్, డైరెక్టర్ ఓంకార్ తమ్ముడు అంటే ఇట్టే గుర్తుపట్టేస్తారు. చాలా ఏళ్ల క్రితమే ఇండస్ట్రీలోకి అడుగుపెట్టినప్పటికీ స్టార్​ స్టేటస్​ను అందుకోలేకపోయారు. 'జీనియస్‌', 'రాజుగారి గది 2', 'రాజుగారి గది 3' సహా మరిన్ని చిత్రాల్లో మెప్పించిరాయన. రీసెంట్​గా అశ్విన్ బాబు.. అనిల్‌ కృష్ణ దర్శకత్వంలో యాక్షన్ కం క్రైమ్ థ్రిల్లర్ 'హిడింబ' చేశారు. ఈ ఇన్విస్టిగేటివ్ థ్రిల్లర్ జులై 20వ తేదీన థియేటర్లలో విడుదలైంది. మంచి అంచనాలతో వచ్చిన ఈ సినిమా మొదట్లో మంచి టాక్ అందుకున్నప్పటికీ.. ఆ తర్వాత ఎందుకో ఆశించిన స్థాయిలో స్పందన దక్కంచుకోలేకపోయింది. తక్కువ వసూళ్లతోనే రన్​ టైమ్​ను ముగించింది.

Hidimba OTT Release Date : అయితే ఈ మూవీ రిలీజైన నెల రోజులు కాకముందే రీసెంట్​గా ఓటీటీలోకి వచ్చేసింది. ప్రముఖ ఓటీటీ సంస్థ ఆహా సినిమా ఈ చిత్ర హక్కులను సొంతం చేసుకుంది. ఆగస్టు 10న సాయంత్రం ఆరు గంటల నుంచి ఈ మూవీ స్ట్రీమింగ్​ అవ్వడం ప్రారంభించింది. ఇందులో సెన్సార్ బోర్డు కట్ చేసిన కొన్ని డైలాగ్స్​, సీన్స్​ను కూడా యాడ్ చేసి ప్రసారం చేశారట. అయితే ఈ థ్రిల్లర్ మూవీకి అనూహ్యంగా రెస్పాన్స్​ పెరిగింది. ప్రస్తుతం సెన్సేషనల్​ రెస్పాన్స్​ అందుకుంటూ దూసుకెళ్తోంది. ఇప్పటివరకు ఏకంగా 100 మిలియన్ స్ట్రీమింగ్ మినిట్స్​ను అందుకున్నట్లు ఆహా తెలిపింది. ఇక ఈ చిత్రాన్ని ఏకే ఎంటర్‌టైన్‌మెంట్స్ సమర్పణలో ఎస్వీకే సినిమాస్ బ్యానర్‌పై గంగపట్నం శ్రీధర్ నిర్మించారు. వికాస్ బాడిస స్వరాలు సమకూర్చారు. నందిత శ్వేత హీరోయిన్ గా నటించింది. మకరంద్ దేశ్‌పాండే, రఘు కుంచె ఇతర కీలక పాత్రలు నటించారు. మరి మీరు ఈ సినిమా చూడకపోతే చూసేయండి..

• " class="align-text-top noRightClick twitterSection" data="">

క‌థేంటంటే ? పోలీస్ ట్రైనింగ్​లో ఉన్నప్పుడు ప్రేమించుకున్న అభ‌య్ (అశ్విన్‌బాబు), ఆద్య (నందితా శ్వేత‌) కొన్ని కార‌ణాల వ‌ల్ల విడిపోతారు. ఆ త‌ర్వాత ఆద్య ఐపీఎస్ ఆఫీస‌ర్​గా ఛార్జ్​ తీసుకుంటుంది. అభ‌య్ మాత్రం హైదరాబాద్‌లో ఓ పోలీస్‌ అధికారిగా కొనసాగుతుంటాడు. అయితే ఈ ఇద్దరు మళ్లీ అమ్మాయిల సీరియల్ కిడ్నాప్​ ​ కేసు విష‌య‌మై ప‌ని చేయాల్సి వస్తుంది. అయితే ఈ ఇద్దరు కలిసి ఓ క‌రుడుగ‌ట్టిన ముఠాను ప‌ట్టుకుని.. వాళ్ల చెర‌లో ఉన్న అమ్మాయిలంద‌రినీ విడిపిస్తారు. ఇక కేసు ముగిసింది అన్న సమయంలో మళ్లీ మరో అమ్మాయి మిస్​ అవ్వడంతో అసలు కథ మొదలవుతుంది. మ‌రి ఈ కేసును ఆద్య‌, అభ‌య్ ఎలా ఛేదించారు? అస‌లు ఈ కిడ్నాప్‌లు చేస్తుందెవరు? రెడ్ డ్రెస్ వేసుకున్న అమ్మాయిల్నే నిందితుడు ఎందుకు కిడ్నాప్​ చేస్తున్నాడు? చేసిన అమ్మాయిలను ఏం చేస్తున్నాడు? అసలు హిడింబ అంటే ఏమిటి? ఈ క‌థ‌కు అండ‌మాన్ దీవుల్లో ఉన్న ఓ ఆదివాసుల తెగ‌కు ఉన్న సంబంధం ఏంటి? అన్నది తెలియలాంటే సినిమా చూడాల్సిందే..