Samantha First Salary: 'ఏమాయ చేశావే' సినిమాతో వెండితెర అరంగేట్రం చేసిన హీరోయిన్ సమంత ఇప్పటికీ తన నటనతో అభిమానుల్ని మాయ చేస్తూనే ఉన్నారు. వచ్చినా ప్రతీ అవకాశాన్ని అందిపుచ్చుకొని తనలోని ప్రతిభను ప్రదర్శిస్తూ.. స్టార్ హీరోయిన్గా వెలుగొందుతున్నారు. ప్రస్తుతం వరుస భారీ ప్రాజెక్ట్ల్లో నటిస్తూ కెరీర్లో దూసుకెళ్తున్నారు. అందులో 'కాతు వాకులా రెండు కాదల్' ఒకటి. ఈ సినిమా త్వరలోనే విడుదల కానుంది. ఈ సందర్భంగా సోషల్మీడియాలో అభిమానులతో ముచ్చటించిన ఈ ముద్దుగుమ్మ.. తనకు సంబంధించిన పలు ఆసక్తికర సంగతులను తెలిపారు. ఓ నెటిజన్ అడిగిన ప్రశ్నకు తన తొలి సంపాదన గురించి చెప్పారు. రూ.500రూపాయలు తీసుకున్నట్లు గుర్తుచేసుకున్నారు
"నా తొలి జీతం రూ.800. ఓ కాన్ఫరెన్స్ కోసం హోటల్ 8 గంటల పాటు హోస్ట్గా వ్యవహరించాను. అయితే అప్పుడు 10 లేదా 11వ తరగతి.. ఏమి చదువుతున్నానో సరిగ్గా గుర్తులేదు." అని సామ్ పేర్కొన్నారు. ఇక విజయ్ సేతుపతి గురించి ఓ హార్ట్ సింబల్ను షేర్ చేయగా.. నయనతారను భావోద్వేగంతో హగ్ చేసుకున్న వీడియోను పోస్ట్ చేశారు. 'నయన్ గొప్ప నటి. 'కాతువాకులా రెండు కాదల్'లో ఆమెను చూసేందుకు ఎదురుచూస్తున్నా.' అని నయన్ గురించి చెప్పారు.
కాగా, సామ్ విషయానికొస్తే.. ఆమె ఓ సామాన్య కుటుంబం నుంచి చిత్ర పరిశ్రమకు వచ్చారు. కాలేజీలో చదివే రోజుల్లో మోడలింగ్ చేస్తూ పాకెట్‌ మనీ కోసం ఫంక్షన్‌ హాల్‌లో పనిచేశారని తెలిసింది. అలా 2010లో సినీ రంగంలోకి అడుగుపెట్టి.. ఇప్పటికీ అందర్నీ మాయ చేస్తూనే ఉన్నారు. ప్రతి సినిమాను మొదటి చిత్రంగా భావించడం, ఛాలెంజ్‌ను స్వీకరించడమే తన విజయ రహస్యమని గతంలో పలు సందర్భాల్లో చెప్పారు.
ఇటీవల 'పుష్ప'లో ఐటమ్‌ సాంగ్‌లో అదరగొట్టిన సామ్.. ప్రస్తుతం 'కాతు వాకులా రెండు కాదల్'తో పాటు 'శాకుంతలం', 'యశోద' చిత్రాల్లోనూ నటిస్తున్నారు. వీటితో సహా 'ది అరేంజ్‌మెంట్స్‌ ఆఫ్‌ లవ్‌' అనే ఇంటర్నేషనల్ మూవీ.. వరుణ్‌ ధావన్‌తో కలిసి అమెజాన్‌ ప్రైమ్‌ సిరీస్‌ 'సిటాడెల్‌'(Citadel)లోనూ నటిస్తున్నారు.
ఇదీ చూడండి: వయసేమో 40 ప్లస్.. కానీ ఫిగర్ చూస్తే...
