Hero Nithin Injured : టాలీవుడ్లో సరైన సక్సెస్ లేక ప్రస్తుతం ఇబ్బంది పడుతున్న హీరోల్లో నితిన్ ఒకరు. ఇప్పుడాయన 'తమ్ముడు' సినిమాలో నటిస్తున్నారు. ఈ మూవీ షూటింగ్ ఆంధ్రప్రదేశ్‌లోని మారేడుమిల్లి అటవీ ప్రాంతంలో జరుగుతోందట. అక్కడ హీరో నితిన్‌పై కొన్ని యాక్షన్ సీక్వెన్స్‌లను చిత్రీకరిస్తున్నారని తెలిసింది. అయితే తాజాగా ఆయనకు షూటింగ్లో ప్రమాదం జరిగినట్లు వార్తలు వస్తున్నాయి. ఓ భారీ యాక్షన్ సన్నివేశం చేస్తున్న సమయంలో నితిన్ గాయపడినట్లు కథనాలు వస్తున్నాయి. ఆయన చేతికి గాయమైనట్లు అంటున్నారు. గాయపడిన నితిన్‌ను వెంటనే రాజమండ్రిలోని ఓ ఆస్పత్రికి తరలించినట్లు, అక్కడ చికిత్స చేసిన వైద్యులు నితిన్కు మూడు వారాలు విశ్రాంతి సూచించినట్లు చెబుతున్నారు. ఈ విషయం తెలుసుకుంటున్న అభిమానులు నితిన్ త్వరగా కోలుకోవాలని ప్రార్థిస్తున్నారు.
అందులో నిజం లేదు : సినిమా షూటింగ్లో నితిన్ గాయపడినట్లు వస్తున్న వార్తల్లో నిజం లేదని ఆయన సన్నిహిత వర్గాలు తెలిపాయి. భుజం నొప్పి కారణంగా నితిన్ కొన్ని రోజులు విశ్రాంతి తీసుకోవాలని నిర్ణయించుకున్నట్లు వివరణ ఇచ్చాయి. దీంతో సంక్రాంతి వరకు షూటింగ్‌కు బ్రేక్ ఇచ్చినట్లు సమాచారం. ప్రస్తుతం ఆయన ఇంట్లో రెస్ట్‌ తీసుకుంటున్నారు.
ఇకపోతే నితిన్ చివరిసారిగా వెంకీ కుడుముల తెరకెక్కించిన 'భీష్మ' చిత్రంతో మంచి విజయాన్ని అందుకున్నారు. ఆ తర్వాత ఈ టాలెంటెడ్ హీరో ఎన్నో ప్రయత్నాలు చేశారు కానీ విజయాన్ని మాత్రం సొంతం చేసుకోలేకపోయారు. అయినప్పటికీ వరుసగా సినిమాలు చేస్తూ ప్రేక్షకులను అలరించే ప్రయత్నం చేస్తున్నారు. అలా రీసెంట్గా టాలీవుడ్ యంగ్ సెన్సేషనల్ బ్యూటీ శ్రీలీలతో కలిసి 'ఎక్స్‌స్ట్రా ఆర్డినరీమ్యాన్' అనే చిత్రంతో ప్రేక్షకుల ముందుకు వచ్చారు. కానీ ఈ సినిమా కూడా ప్రేక్షకుల మెప్పును పొందలేకపోయింది. బాక్సాఫీస్ వద్ద బోల్తా కొట్టింది. దీంతో నితిన్కు మరోసారి నిరాశే మిగిలింది.
Venu Sriram Nithin Movie : కాగా, వేణు శ్రీరామ్ - నితిన్ కాంబినేషన్‌లో రూపొందుతున్న 'తమ్ముడు' సినిమాకు సంబంధించిన షూటింగ్ ఈ మధ్యే ప్రారంభం అయింది. అప్పటి నుంచి ఈ మూవీ షూటింగ్ ఏ బ్రేకులు లేకుండా కొనసాగింది. కానీ ఇప్పుడు నితిన్కు భుజం నొప్పి రావడం వల్ల షూటింగ్ కాస్త ఆగినట్టైంది. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ గ్రాండ్గా నిర్మిస్తున్నారు. సినిమాలో సప్తమీ గౌడ హీరోయిన్‌గా నటిస్తుండగా వర్ష బొల్లమ్మ కీలక పాత్రలో నటిస్తోంది.
- " class="align-text-top noRightClick twitterSection" data="">
మహేశ్ గత 5 చిత్రాల వసూళ్లు - 'గుంటూరు కారం' బ్రేక్ చేస్తుందా?
