Balakrishna Veersimhareddy First Song Released: బాలయ్య అభిమానులు ఎంతగానో ఎదురుచూస్తున్న అప్డేట్ రానే వచ్చింది. 'వీరసింహారెడ్డి' చిత్రం నుంచి 'జై బాలయ్య' అంటూ సాగే పాటను మేకర్స్ శుక్రవారం రిలీజ్ చేశారు. మ్యూజిక్ డెరెక్టర్ తమన్ సంగీతం అందించిన ఈ పాట అదిరిపోయింది. మీరూ ఓ సారి ఈ పాట వినేయండి.
- " class="align-text-top noRightClick twitterSection" data="">
గోప్‌చంద్ మలినేని దర్శకత్వంలో మైత్రీ మూవీ మేకర్స్ పతాకంపై ప్రతిష్ఠాత్మకంగా తెరకెక్కుతోన్న 'వీరసింహారెడ్డి' చిత్రం సంక్రాంతికి ప్రేక్షకుల ముందుకు రావడానికి సిద్ధమవుతోంది. ఈ సినిమా షూటింగ్ ప్రస్తుతం హైదరాబాద్లో శరవేగంగా జరుగుతోంది. నిర్మాతలు ఈ సినిమా గురించి ఎప్పటికప్పుడు అప్డేట్లు ఇస్తూ సినిమాపై అంచనాలను పెంచుతున్నారు.
గోవా ఫిల్మ్ ఫెస్టివల్లో అఖండ సందడి..
Goa Film Festival Akhanda: గోవాలో 53వ ఇంటర్నేషనల్ ఫిలిం ఫెస్టివల్ ఆఫ్ ఇండియా (ఇఫీ) ఉత్సవాలు అట్టహాసంగా జరుగుతున్నాయి. ఈ సందర్భంగా టాలీవుడ్ అగ్ర కథానాయకుడు నటించిన 'అఖండ' సినిమాకు అరుదైన గౌరవం లభించింది. గురువారం రాత్రి అఖండ చిత్రం ప్రదర్శితమైంది. ఈ నేపథ్యంలో ఆ సినిమా హీరో బాలకృష్ణ, దర్శకుడు బోయపాటికి ఆహ్వానాలు అందడంతో వారిద్దరు పాల్గొన్నారు.
అనంతరం బాలయ్య మాట్లాడారు. "మేము ఎప్పుడూ ట్రెండ్ ఫాలో అవ్వం.. కొత్త ట్రెండ్ను సృష్టిస్తాం" అంటూ బాలకృష్ణ అన్న మాటలకు ఆ ప్రాంగణమంతా చప్పట్లతో దద్దరిల్లింది. కొవిడ్ మహమ్మారి సమయంలో డేరింగ్ స్టెప్ వేసి అఖండ సినిమాను థియేటర్లలో విడుదల చేసినందుకు నిర్మాత మిర్యాల రవీందర్ రెడ్డికి మరోసారి ధన్యావాదాలు తెలిపారు బాలయ్య.
అన్స్టాపబుల్ కొత్త ఎపిసోడ్ స్ట్రీమింగ్..
Unstoppable New Episode: బాలకృష్ణ వ్యాఖ్యాతగా వ్యవహరిస్తున్న 'అన్స్టాపబుల్ - 2' కొత్త ఎపిసోడ్ ఆహా ఓటీటీలోకి వచ్చేసింది. ప్రేక్షకుల్ని ఎంతగానో ఆకట్టుకుంటోన్న ఈ సెలబ్రిటీ టాక్‌షో నాలుగో ఎపిసోడ్కు.. ఉమ్మడి ఆంధ్రప్రదేశ్‌ మాజీ ముఖ్యమంత్రి కిరణ్‌కుమార్‌ రెడ్డి, సినీ నటి రాధిక, రాజ్యసభ ఎంపీ సురేశ్‌ విచ్చేశారు. ఆద్యంతం ఆసక్తిగా సాగిన ఈ ఎపిసోడ్.. 'బాలయ్య కుటుంబాన్ని చూసిన మీకు.. ఇవాళ బాలయ్య స్నేహాన్ని పరిచయం చేయాలనిపించింది' అంటూ నటసింహం నందమూరి బాలకృష్ణ తన కాలేజీ రోజుల్ని గుర్తుచేసుకున్నారు. మొత్తానికి బాలయ్య తన మిత్రులతో చేసిన రచ్చ మామూలుగా చేయలేదు.
సీజన్ 2 మొదటి ఎపిసోడ్కు గెస్ట్లుగా మాజీ ముఖ్యమంత్రి, తెదేపా అధినేత నారా చంద్రబాబు నాయడు, ఆయన కుమారుడు లోకేశ్ వచ్చారు. గంటపాటు నవ్వుల వర్షం కురిపించారు. రెండో ఎపిసోడ్ అదే రేంజ్లో ఉండేందుకు.. మాస్కా దాస్ విశ్వక్ సేన్, 'డీజే టిల్లు'తో అలరించిన సిద్ధు జొన్నలగడ్డ వచ్చారు. ఇందులో ఇద్దరు యువ కథానాయకులతో.. బాలయ్య అల్లరి మామూలుగా లేదు. మూడో ఎపిసోడ్కు మళ్లీ యువనటులు శర్వానంద్, అడవి శేష్ వచ్చారు. వీళ్ల రాకతో మూడో ఎపిసోడ్లోనూ ప్రేక్షకులకు అన్స్టాపబుల్ ఫన్ అందింది.
- " class="align-text-top noRightClick twitterSection" data="">
