Hari Hara Veera Mallu release date: హరిహర వీరమల్లు సినిమా పవర్ స్టార్ పవన్ కల్యాణ్ కెరీర్లోనే బిగ్గెస్ట్ హిట్గా నిలిచిపోతుందని ఆ చిత్ర నిర్మాత ఏఎం రత్నం పేర్కొన్నారు. పీరియాడిక్ చిత్రం కావడం వల్లే ఈ సినిమా షూటింగ్ ఆలస్యమవుతోందని తెలిపారు. 2023 మార్చి 30న ఈ సినిమాను రిలీజ్ చేసేందుకు ప్లాన్ వేస్తున్నామని రత్నం వివరించారు. భారీ బడ్జెట్తో ఈ సినిమాను రూపొందిస్తున్నట్లు స్పష్టం చేశారు.
Hari Hara Veera Mallu budget:
'హరిహర వీరమల్లు బిగ్ బడ్జెట్ చిత్రం. ఇది పీరియాడిక్ చిత్రం వల్ల కాస్త ఆలస్యమవుతోంది. పాన్ఇండియా స్థాయిలో రిలీజ్ చేస్తున్నాం. 2023 మార్చి 30 విడుదల చేయాలని అనుకుంటున్నాం. రిలీజ్ అయితే అతిపెద్ద హిట్ అవుతుంది. పవన్ కల్యాణ్ సినీ కెరీర్లోనే బిగ్గెస్ట్ హిట్గా నిలిచిపోతుంది' అని రత్నం వివరించారు.
Hari Hara Veera Mallu story: 17వ శతాబ్దం నాటి మొఘలాయిలు, కుతుబ్‌షాహీల శకం నేపథ్యంలో సాగే ఆసక్తికర కథాంశంతో హరిహర వీరమల్లు చిత్రం రూపొందుతోంది. క్రిష్ జాగర్లమూడి దర్శకత్వం వహిస్తున్న ఈ సినిమా చిత్రీకరణ జరుపుకొంటోంది. కీరవాణి సంగీతం అందిస్తుండగా.. బుర్రా సాయిమాధవ్‌ సంభాషణలు అందిస్తున్నారు. ఈ మూవీలో హీరోయిన్‌గా నిధి అగర్వాల్ నటిస్తున్నారు. ఇతర కీలక పాత్రల్లో బాలీవుడ్ స్టార్స్ నర్గీస్ ఫక్రీ, అర్జున్ రాంపాల్ కనిపించబోతున్నారు. మరో బాలీవుడ్ హాట్ బ్యూటీ నోరా ఫతేహీ కూడా నటించనున్నట్లు సమాచారం.
Pawan Kalyan news: ఈ సినిమాలో పవన్‌కల్యాణ్‌ పాత్ర యోధుడిలా రాబిన్‌హుడ్‌ను పోలి ఉంటుందని వార్తలు వినిపిస్తున్నాయి. అంతేకాదు, ఇందులో పవన్ మూడు విభిన్న పాత్రల్లో కనిపించనున్నారట. మూడు పాత్రల్లోనూ 'హరి హర వీరమల్లు' పాత్రదే స్పెషల్‌ అట్రాక్షన్‌ అంటున్నారు. ఈ సినిమాలో పవన్ పాత్రలను దృష్టిలో పెట్టుకుని 30 రకాల విభిన్న దుస్తులు సిద్ధం చేసిందట చిత్ర బృందం. ప్రతి డ్రెస్‌ దేనికదే ప్రత్యేకంగా ఉండేలా జాగ్రత్తలు తీసుకుందట. మరి పవన్‌కల్యాణ్‌ ఎలా కనిపిస్తారో తెలియాలంటే ఇంకొన్ని రోజులు ఆగాల్సిందే. ఈ సినిమా కోసం పవన్ మార్షల్‌ ఆర్ట్స్‌ కూడా ప్రాక్టీస్‌ చేస్తున్న ఫొటోలను గతంలో చిత్ర బృందం పంచుకుంది. ఇక తెరపై 'వీరమల్లు'గా పవన్ విజృంభణ చూసేందుకు అభిమానులు ఆసక్తికగా ఎదురు చూస్తున్నారు.
ఇదీ చదవండి:
