Hanuman Samantha Review : తక్కువ అంచనాలతో చిన్న సినిమాగా ప్రేక్షకుల ముందుకు వచ్చి బ్లాక్ బస్టర్ హిట్ టాక్ను దక్కించుకుంది 'హనుమాన్' సినిమా. సంక్రాంతి కానుకగా రిలీజైన ఈ చిత్రం ప్రేక్షకులు, సినీ, రాజకీయ ప్రముఖులు ప్రశంసలతో పాటు వసూళ్లను అందుకుంటూ పోతోంది. అయితే తాజాగా ఇప్పుడు స్టార్ హీరోయిన్ సమంత ఈ సినిమాపై తన రివ్యూను పోస్ట్‌ చేసింది.
మనల్ని మళ్లీ బాల్యంలోకి తీసుకెళ్లే చిత్రాలు ఉత్తమమైనవి. హనుమాన్ చిత్రంలో ప్రతి అంశం నన్ను బాగా ఆకట్టుకుంది. విజువల్స్, కామెడీ, మ్యూజిక్ ఇలా ఎన్నో అద్భుతమైన అంశాలతో సిల్వర్ స్క్రీన్పై హనుమంతుడు చేసిన మ్యాజిక్‌ చేశారు. ఇంత గొప్ప చిత్రాన్ని తీసిన ప్రశాంత్ వర్మకు ధన్యవాదాలు. ఈ మూవీ సీక్వెల్ కోసం ఎంతో ఇంట్రెస్టింగ్గా ఎదురుచూస్తున్నాను. తేజ సజ్జా తన యాక్టింగ్తో అందరినీ ఆశ్చర్యపరిచాడు. హనుమంతు పాత్ర ఈ సినిమాకు హార్ట్‌. వీఎఫ్ఎక్స్‌ ఎఫెక్ట్స్ సినిమాకు మరింత అందాన్నిచ్చాయి" అంటూ మూవీ టీమ్కు సామ్ అభినందనలు తెలిపింది.
Kishan Reddy Tejasajja : ఇకపోతే తాజాగా తేజ సజ్జాను కేంద్రమంత్రి కిషన్ రెడ్డి తన నివాసంలో సత్కరించారు. ప్రతి టికెట్‌ నుంచి అయోధ్య రామమందిరానికి రూ.5 విరాళంగా ఇవ్వడం అభినందనీయమని అన్నారు. కాగా, ప్రశాంత్ వర్మ డైరెక్షన్లో వచ్చిన ఈ సినిమా జనవరి 12న రిలీజై భారీ వసూళ్లను దక్కించుకుంది. ఇప్పటి వరకు వరల్డ్ వైడ్గా రూ.100 కోట్లకు(Hanuman Movie collections) పైగా వసూళ్లను తన ఖాతాలో వేసుకుంది.
సూపర్‌ హీరో స్టోరీకి ఇతిహాసంతో ముడిపెట్టి నేటివిటీ మిస్‌ కాకుండా దర్శకుడు ప్రశాంత్ వర్మ అద్భుతంగా చూపించారు. అంజ‌నాద్రి అనే ఫిక్ష‌న‌ల్ గ్రామం బ్యాక్‌డ్రాప్‌లో తెర‌కెక్కించారు. చిత్రంలో అమృత అయ్య‌ర్ హీరోయిన్‌గా న‌టించింది. వ‌ర‌ల‌క్ష్మి శ‌ర‌త్ కుమార్ కీలక పాత్ర పోషించగా కోలీవుడ్ న‌టుడు విన‌య్ రాయ్ విల‌న్‌గా క‌నిపించారు. ఇక ఈ హ‌నుమాన్‌కు జై హనుమాన్ పేరుతో సీక్వెల్ త్వరలోనే రానుంది.
'సంస్కృతిని ఎప్పుడూ తప్పుగా చూపించను - వాళ్ల గురించి నేను మాట్లాడను'
సంక్రాంతి బరిలో సౌత్ సినిమాలు - కలెక్షన్స్లో టాప్ ఏదంటే ?
