Hansika Motwani Upcoming Web Series : సినీ ఇండస్ట్రీలోకి బాల నటిగా కెరీర్ స్టార్ చేసి స్టార్ హీరోయిన్గా ఎదిగింది గ్లామరస్ బ్యూటీ హన్సిక. హిందీలో 'కోయి మిల్ గయా', 'హవా', 'జాగో', 'హమ్ కౌన్ హై', 'అబ్ర క దబ్ర' వంటి సినిమాల్లో నటించిన ఈ ముద్దుగుమ్మ.. తెలుగులో పూరీ జగన్నాథ్ దర్శకత్వంలో దేశముదురుతో ఎంట్రీ ఇచ్చింది. మొదటి సినిమా సూపర్ సక్సెస్ అందుకున్న ఈ ముద్దుగుమ్మ.. ఆ తర్వాత వరుస ఆఫర్లను అందుకుంది. ఈ క్రమంలోనే దాదాపుగా స్టార్ హీరోలందరితో కలిసి స్క్రీన్ షేర్ చేసుకుంది. హిందీ, తమిళం, మలయాళం, కన్నడ భాషల్లోనూ సినిమాలు చేస్తూ దూసుకెళ్లింది.
ఆ తర్వాత కొత్త హీరోయిన్లు రావడంతో తెలుగులో ఫేడ్ ఔట్ అయిన ఈ ముద్దుగుమ్మ.. పక్క భాషల్లో మాత్రం వరుసగా సినిమాలు చేస్తోంది. ఇక్క అడపాదడపా సినిమాలు చేస్తూ కెరీర్ నెట్టుకొస్తోంది. అయితే ఇప్పటికీ వరుస సినిమాలతో స్పీడును కంటిన్యూ చేస్తున్న ఈ ముద్దుగుమ్మ చేతిలో ప్రస్తుతం అరడజనుకుపైగా సినిమాలు ఉన్నాయి.
అయితే ఇప్పుడామె ఓటీటీలోకి ఎంట్రీ ఇవ్వనుంది. తాజాగా ఆమె కీలక పాత్రలో నటించిన 'మైత్రీ' వెబ్ సిరీస్ డిస్నీ+ హాట్‌స్టార్ వేదికగా స్ట్రీమింగ్ అయ్యేందుకు రెడీ అయింది. ఓ కొరియన్‌ వెబ్ సిరీస్ రీమేక్‌గా దీన్ని తెరకెక్కించారు. ఎం.రాజేశ్‌ దర్శకత్వంలో తెరకెక్కిన ఈ సిరీస్ సెప్టెంబర్‌ 15 నుంచి ప్రసారం కానుంది. సైంటిఫిక్‌ అంశాలతో రూపొందిచారు. ఈ సిరీస్‌లో హన్సికతో పాటు శంతను భాగ్యరాజ్, జనని అయ్యర్‌ ఇతర కీలకపాత్రల్లో నటించారు.
తాజాగా ఈ సిరీస్ ట్రైలర్ కూడా రిలీజ్ చేశారు. హన్సిక ఇందులో మైత్రి అనే రోబోగా కనిపించింది. అలాగే మరో మహిళా పాత్రలోనూ నటించింది. ఈ ప్రచార చిత్రంలో హన్సిక తన లుక్‌తో, మ్యానరిజంతో ఆకట్టుకుంది. ఓ యువ సైంటిస్ట్‌ చేసిన చిన్న తప్పు కారణంగా రోబో.. మహిళగా మారడం.. ఆ లేడీ రోబోతో కొందరు యువకులు ప్రేమలో పడటం వంటి సన్నివేశాలను చూపించారు. ఈ వెబ్ సిరీస్ తెలుగుతో పాటు మరో 6 భాషల్లోనూ స్ట్రీమింగ్ కానుంది. ప్రస్తుతం హన్సిక.. మై నేమ్ ఈజ్ శ్రుతి, రౌడీ బేబీ, గార్డియన్, గాంధారీ, మాన్ చిత్రాల్లో నటిస్తోంది.
- " class="align-text-top noRightClick twitterSection" data="">
హన్సిక పెళ్లికి నిరుపేద పిల్లలు.. ప్రత్యేక అతిథులుగా ఆహ్వానం!
