Ganapath Teaser : చిరంజీవి చేతుల మీదగా 'గణపత్‌' టీజర్‌.. కళ్లు చెదిరే విజువల్స్​తో పక్కా యాక్షన్ మోడ్​గా

Ganapath Teaser : బాలీవుడ్ హీరో టైగర్ ష్రాఫ్‌ నటించిన ' గణపత్‌- పార్ట్‌ 1' టీజర్ తాజాగా విడుదలై ఆకట్టుకుంటోంది. ఈ ప్రచార చిత్రం ఆద్యంతం యాక్షన్ సన్నివేశాలతో పవర్​ఫుల్​గా సాగుతూ ప్రేక్షకులను అలరిస్తోంది. ఆ వీడియోను మీరు కూడా చూసేయండి మరి..

Ganapath Teaser : వైవిధ్యభరితమైన యాక్షన్‌ కథలతో ప్రేక్షకుల్ని అలరిస్తుంటారు బాలీవుడ్ హీరో టైగర్ ష్రాఫ్‌. ఆయన హీరోగా వికాస్‌ బహ్ల్‌ దర్శకత్వంలో తెరకెక్కిన చిత్రం 'గణపత్‌- పార్ట్‌ 1'. (Ganapath part 1 movie). కృతిసనన్‌ హీరోయిన్​గా నటించింది. బాలీవుడ్ బిగ్​ బీ అమితాబ్‌ బచ్చన్‌ ఈ సినిమాలో కీలక పాత్ర పోషించారు. హిందీ, తెలుగుతో పాటు ఇతర భాషల్లో ఈ చిత్రం త్వరలో రిలీజ్ కానుంది. విడుదల తేదీ దగ్గరపడటం వల్ల ప్రమోషన్స్​లో జోరు పెంచిన మూవీ టీమ్​.. తాజాగా ఈ సినిమాకు సంబంధించిన టీజర్‌ను విడుదల చేసింది. మెగాస్టార్ చిరంజీవి విడుదల చేసిన ఈ ప్రచార చిత్రం.. ఆద్యంతం ఎంతో పవర్​ఫుల్​గా సాగింది.

ఈ ప్రచార చిత్రంలో సన్నివేశాలు హాలీవుడ్ రేంజ్​లో ఉన్నాయి. సాధారణంగానే టైగర్ ష్రాఫ్ సినిమాలు అంటే భారీ యాక్షన్ ఎపిసోడ్స్​తో సాగుతుంటాయి. ఇప్పుడు 'గణపత్' కూడా అదే పంథాలో సాగింది. టీజర్​తోనే సినిమాలో ఏ రేంజ్​లో యాక్షన్ ఎపిసోడ్స్​ ఉంటాయో రుచి చూపించింది మూవీ టీమ్​. ఈ టీజర్​లో ప్రతి ఫ్రేమ్ యాక్షన్​తోనే ముందుకు సాగింది. 2070 AD తో ప్రారంభమైన ఈ టీజర్​.. ఆ తర్వాత తినడానికి తిండి కూడా లేక కొట్టుకునే మనుషులు ఉండటాన్ని, వారిపై చెడు పాలిస్తూ ఉండటాన్ని చూపించారు. అదే సమయంలో 'మన కోసం ఓ వీరుడు వచ్చేంతవరకు యుద్ధం మొదలుపెట్టొద్దు' అంటూ అమితాబ్​.. హీరో పాత్రను ఎలివేట్ చేయడం.. ఆ వెంటనే.. 'ప్రతీ ప్రారంభం గణ్​పత్​తోనే మొదలవుతుంది హీరో పుట్టాడు'​ అంటూ టైగర్ ష్రాప్​ యాక్షన్ ఎపిసోడ్స్​ను పవర్​ఫుల్​గా చూపించడం జరిగింది. చివరిలో 'మా వాళ్ల జోలికి వస్తే అస్సలు వదిలిపెట్టను' అంటూ విలన్స్​ను టైగర్​ ఎదుర్కోవడాన్ని చూపించారు. టీజర్ మొత్తం కొత్తగానే అనిపిస్తోంది. ఇక కొత్త కాన్సెప్ట్​తో సినిమా రాబోతుందని అర్థమవుతోంది. ఫైనల్​గా యాక్షన్ మూవీ లవర్స్​కు ఆకట్టుకునేలా ఉంది.

కాగా, ఈ సినిమాలో కృతిసనన్‌ హీరోయిన్​గా నటించగా.. బాలీవుడ్ బిగ్​ బీ అమితాబ్‌ బచ్చన్‌ ఓ కీలక పాత్ర పోషించారు. ఈ చిత్రం అక్టోబర్​ 20న వరల్డ్​ వైడ్​గా థియేటర్లలో విడుదల కానుంది. అయితే ఈ దసరా బాక్సాఫీస్ సీజన్​లో.. టాలీవుడ్​ విషయానికి వచ్చేసరికి ఇప్పటికే 'భగవంత్ కేసరి', 'టైగర్ నాగేశ్వర రావు', 'లియో', 'ఘోస్ట్' చిత్రాలు రిలీజ్​కు రెడీగా ఉన్నాయి. ఇప్పుడు వీటి సరసన 'గణపత్'​ కూడా చేరిపోయింది. చూడాలి మరి ఈ సినిమా ఎలా ఉంటుందో...

• " class="align-text-top noRightClick twitterSection" data="">