Horror Suspense Korean Movies : ఒకే జానర్లో వచ్చే సినిమాలు సినీ ప్రియులందరికీ నచ్చుతాయని చెప్పలేము. ఒక్కో వ్యక్తికి ఒక్కో ఫాంటసీ ఉంటుంది. కొందరికి ఫ్యామిలీ ఎంటర్టైనర్ జానర్ సినిమాలు నచ్చితే.. మరికొందరు యాక్షన్ డ్రామా సినిమాలను ఇష్టపడతారు. స్ట్రాంగ్ లీడ్ లేకున్నా.. కామెడీ ఉంటే చాలనుకునేవారు కొందరైతే.. హర్రర్ సస్పెన్స్ సన్నివేశాలు లేనిదే సినిమా ట్రైలర్ కూడా చూడరు మరికొందరు.
అయితే వెన్నులో వణుకు పుట్టించే హర్రర్ స్టోరీలకు కొరియన్ సినిమాలు పెట్టింది పేరు. ఇప్పటికే కొరియా నుంచి అనేక సినిమాలు, వెబ్ సిరీస్లు విడుదలై.. సూపర్ హిట్ టాక్ను సొంతం చేసుకున్నాయి. ఈ కొరియన్ సినిమాలు, వెబ్ సిరీస్లకు మన దగ్గర కూడా మంచి ఆదరణ ఉంది. ఈ క్రమంలో ప్రముఖ ఓటీటీ వేదికల్లో అందుబాటులో ఉన్న టాప్ కొరియన్ హర్రర్ సినిమాలేంటో ఓ సారి చూసేద్దామా..
1. ది వెయిలింగ్ (2016)
The Wailing : ఒకానొక గ్రామంలోకి ఓ తెలియని వ్యక్తి ప్రవేశిస్తాడు. అయితే అతని రాకతో అక్కడ తెలియని రోగం వ్యాపించి వరుస మరణాలు సంభవిస్తాయి. దీంతో అదే ప్రాంతానికి చెందిన ఓ పోలీస్ అధికారి.. ఈ మిస్టరీని ఛేదించేందుకు ముందుకొస్తాడు. ఇంతకీ ఆయన ఆ రహస్యాన్ని ఛేదిస్తాడా లేదా అనేదే 'ది వెయిలింగ్' స్టోరీ. ఈ సినిమా 2016లో విడుదలైంది. కాగా ప్రస్తుతం ఈ సినిమా ఇంగ్లీష్ వెర్షన్ అమెజాన్ ప్రైమ్ వీడియోలో అందుబాటులో ఉంది.
2. ది హోస్ట్ (2006)
The Host : రాక్షస మృగం ఓ యువతిని కిడ్నాప్ చేస్తుంది. ఆ యువతిని కాపాడుకునేందుకు ఆమె కుటుంబ సభ్యులు చేసిన ప్రయత్నమే 'ది హోస్ట్'. కుటుంబ విలువలు, బంధాలు, బంధుత్వాల నేపథ్యంలో సాగుతూ.. నవ్విస్తూ, భయపెడుతుంది. కాగా ప్రస్తుతం ఈ సినిమా ఎమ్ఎక్స్ ప్లేయర్లో అందుబాటులో ఉంది.
3. ఐ సా ది డెవిల్ (2010)
I Saw The Devil : తన భార్యను అతి కిరాతకంగా హత్యచేసిన ఓ సైకో కిల్లర్పై ప్రతీకారం తీర్చుకునే వ్యక్తి కథ ఆధారంగా ఈ సినిమా రూపొందింది. ఈ సినిమా అమెజాన్ ప్రైమ్ వీడియోలో అందుబాటులో ఉంది.
4. ది సైలెన్స్డ్ (2015)
The Silenced : అనారోగ్యంగా ఉన్న ఓ అమ్మాయి.. బాలికలల హాస్టల్లో చేరుతుంది. అక్కడ ఉపాధ్యాయులు చికిత్స చేసి ఆమె ఆరోగ్య పరిస్థితిని మెరుగుపరుస్తారు. కానీ నమ్మశక్యం కాని రీతిలో శరీరం మార్పు చెందడం ఆమె గమనిస్తుంది. అంతేకాకుండా హాస్టల్లోని అమ్మాయిలు ఒక్కొక్కరుగా కనిపించకుండాపోతారు. అయితే వారిని కనుగొనేందుకు బాలిక రహస్యంగా చేసిన ప్రయత్నమే.. దిసైలెన్స్డ్ సినిమా. కాగా ఈ చిత్రం నెట్ఫ్లిక్స్లో స్ట్రీమింగ్ అవుతుంది.
5. ది టనెల్ (2016)
Tunnel : కూలిన ఓ సొరంగం కింద ఒక వ్యక్తి నిస్సహాస్థితిలో ఉంటాడు. అతడిని సురక్షితంగా బయటకు తీసుకొచ్చేందుకు స్థానిక ప్రజలు ప్రయత్నిస్తారు. కాగా సస్పెన్, సర్వైవల్ డ్రామాగా తెరకెక్కిన ఈ చిత్రం అమెజాన్ ప్రైమ్ వీడియోలో చూడవచ్చు.
6. ది కాల్ (2020)
The Call : 2019లో ఉన్న అమ్మాయి.. 1999 టైమ్లైన్లో ఉండే అపరిచిత వ్యక్తికి ఫోన్ కాల్ ద్వారా కనెక్ట్ అవుతుంది. అలా కనెక్ట్ అయిన తర్వాత వారి, జీవితాల్లో వచ్చిన మార్పులేంటి అనేది కథ. సస్పెన్స్ థ్రిల్లర్గా తెరకెక్కిన ఈ సినిమా.. ఆఖరి 30 నిమిషాలు ప్రేక్షకులను మునివేళ్లపై నిలబెడుతుంది. కాగా ఈ సినిమా నెట్ఫ్లిక్స్లో అందుబాటులో ఉంది.
