విజయవాడలో 'ఎఫ్-3' సినిమా బృందం సందడి
F3 Movie Team : ఎఫ్-3 సినిమా బృందం ఏపీ విజయవాడలోని ఓ అపార్ట్‌మెంట్ ప్రాంగంలో సందడి చేసింది. ప్రీ రిలీజ్ ఈవెంట్లో భాగంగా విజయవాడకు వచ్చిన చిత్ర బృందం తమ చిత్రాన్ని విజయవంతం చేయాలని నగర ప్రజలను కోరింది. మధ్య తరగతి కుటుంబాల్లో ఉండే పరిస్థితుల ఆధారంగానే ఈ సినిమా కథ ఉంటుందని డైరెక్టర్ అనిల్ రావిపూడి తెలిపారు.
విజయవాడకు రావటం సంతోషంగా ఉందని హీరో వరుణ్ తేజ్ అన్నారు. సీనియర్ నటుడు వెంకటేశ్తో కలిసి రెండు సినిమాల్లో పనిచేయటం సంతోషంగా ఉందన్నారు. టికెట్ల రేట్లు పెంచటం లేదని సినీ నిర్మాత దిల్ రాజు తెలిపారు. ఎఫ్-2 సినిమా కన్నా ఎఫ్-3 మరింత ఫన్నీగా ఉంటుందని, ఇది పూర్తిగా కుటుంబ కథా చిత్రమన్నారు. ఎఫ్-3 విజయం సాధిస్తే ఎఫ్-4 కూడా తీస్తామని వెల్లడించారు.
