ఈ హోలీ పండగకు స్మాల్ స్క్రీన్ ఆడియెన్స్కు రెట్టింపు వినోదాన్ని పంచేందుకు 'ఈటీవీ' సిద్ధమైంది. దీని కోసం 'గుండెజారి గల్లంతయ్యిందే' పేరిట ఓ స్పెషల్ ప్రోగ్రామ్ను తీర్చిదిద్దింది. తాజాగా దీనికి సంబంధించిన ప్రోమోను రిలీజ్ చేసింది. అది ప్రేక్షకులకు విపరీతంగా ఆకట్టుకుంటోంది. ఈ ప్రోమో ఆద్యంతం కంటెస్టెంట్ల అదిరిపోయే డ్యాన్స్లతో, హైపర్ ఆది పంచ్లు, వర్ష, యాంకర్లు సౌమ్య , రవి చేసిన కామెడీతో అలరిస్తోంది. ఇక ఈ షోలో నిరుపమ్ పరిటాల, అర్జున్లు అయితే తమ మాస్ డ్యాన్స్ స్టెప్పులతో స్జేజ్ను హోరెత్తించారు. లంగీలు కట్టి స్టెప్పులేస్తూ రెచ్చిపోయారు. ఆడియెన్స్ చేల ఈలలు వేయించారు. అలాగే మానస్ కూడా.. 'ఎన్నో రాత్రులొస్తాయి' రొమాంటిక్ సాంగ్కు అదిరిపోయేలా డ్యాన్స్ వేసి తనలోని రొమాంటిక్ యాంగిల్తో ప్రేక్షకులను ఫిదా చేశాడు.
ఇకపోతే యాంకర్ సౌమ్య, భాను, వర్ష కలిసి వేసిన రామ్చరణ్ 'ధృవ' సినిమాలో 'పరేషానురా' సాంగ్ డ్యాన్స్ పెర్ఫార్మెన్స్ షో మొత్తానికే హైలైట్‌గా నిలిచేలా ఉంది. ఇది చూస్తే నిజంగానే ఆడియెన్స్కు పరేషాన్ అయ్యేలా ఉంది. హైపర్ ఆది, యాంకర్ రవి కూడా కలిసి చిందులేస్తూ ఆకట్టుకున్నారు. ఇక ఈ క్రమంలోనే యాంకర్ సౌమ్యను స్టేజ్పైనే స్కూటీపై ఎక్కించుకుని రౌండ్లు వేశాడు హైపర్ ఆది. ఆ సయయంలో వీరద్దరి మధ్య జరిగిన కామెడీ సంభాషణ అందరినీ ఆకట్టుకుంటోంది. అలాగే ఈ షోలో శ్రేదీవి విజయ్ కుమార్ జడ్జిగా వ్యవహరించారు. ఆమె వీరందరి పెర్ఫార్మెన్స్కు ఫిదా అయిపోయారు. వారందరిపై ప్రశంసలతో ముంచెత్తారు. అచ్చం సినిమా తరహాలోనే అదరగొడుతున్నారని కితాబిచ్చారు. సీనియర్ యాక్టర్ అన్నపూర్ణ కూడా ఈ షోలో పాల్గొని సందడి చేశారు. ఆమె చేసిన కామెడీ కూడా కితకితలు పెట్టించాయి.
ఇక ఈ షోలో పాల్గొన్న మరో వ్యక్తి సింగర్ రమణ. పల్సర్ బైక్ సాంగ్తో బుల్లితెర సెలబ్రిటీగా మారిపోయాడు. దీంతో పలు షోలలో పాల్గొంటూ తన పాటలతో ఆడియెన్స్ను అలరిస్తున్నాడు. గతంలో జబర్దస్త్ భానుపై ఓ పాటను పాడి తన ప్రేమను తెలియజేసిన అతడు తాజాగా మరోసారి తాజా షోలో తన ప్రేమను పాట రూపంలో తెలిపాడు. అలా రమణ-భానులు కలిసి ఓ సాంగ్లో సందడి చేశారు. మొత్తంగా ఈ షో ఓ హోలీ పండగ వాతావరణాన్ని క్రియేట్ చేసింది. దీనికి సంబంధించిన పూర్తి ఎపిసోడ్.. మార్చి 5న రాత్రి 7 గం.లకు ప్రసారం కానుంది. అప్పటివరకూ ఈ ప్రోమో చూసేయండి..
- " class="align-text-top noRightClick twitterSection" data="">
ఇదీ చూడండి: సుధీర్ బాబు కొత్త లుక్.. సిక్స్ ప్యాక్ నుంచి లడ్డు బాబులా..
