ETV Dhee Program : 'ఢీ' షో.. పేరుకు తగ్గట్టుగానే ఇతర డ్యాన్స్ షోలను ఢీ కొట్టే విధంగా తెలుగు ప్రేక్షకులను అలరిస్తూ వస్తోంది. అయితే 15 సీజన్లను విజయవంతంగా పూర్తి చేసుకున్న ఈ ప్రోగ్రాం ఇప్పుడు 'ఢీ ప్రీమియర్ లీగ్' పేరుతో జూన్ 21 నుంచి అలరించేందుకు రెడీ అయింది. ఈ కార్యక్రమాన్ని ఎంతో గ్రాండ్గా లాంఛ్ చేసింది షో బృందం. దీనికి సంబంధించిన వీడియో ప్రోమోను యూట్యూబ్లో విడుదల చేశారు నిర్వాహకులు. అప్లోడ్ చేసిన కొద్దిగంటల్లోనే లక్షల వ్యూస్తో దూసుకుపోతోంది ఈ షో ప్రోమో.
ఇక ఈ షో కోసం రెండు తెలుగు రాష్ట్రాల్లోను ఆడిషన్స్ జరిపి డ్యాన్స్లో ఆణిముత్యాలను వెతికి మరీ తీసుకొచ్చామని యాంకర్ ప్రదీప్ అన్నారు. ఈ షోలో శేఖర్ మాస్టర్తో పాటు నటి, డ్యాన్సర్ పూర్ణ జడ్జిలుగా వ్యవహరించనున్నారు. ఫస్ట్ ఎపిసోడ్లో ఛీప్ గెస్ట్లుగా హీరో వరుణ్ సందేశ్తో పాటు వీజే సన్నీ కూడా వచ్చి సందడి చేశారు.
వరుణ్ సందేశ్కు చెమటలు..! ఇక ఈ ప్రోమోలో స్టేజ్పై హైపర్ ఆది కొన్ని పంచ్లు వేస్తూ నవ్వించారు. అయితే ఆ సమయంలో పెళ్లి కానీ సోదరులు పెళ్లి చేసుకోవచ్చా అని హైపర్ ఆది.. వరుణ్ సందేశ్ను అడగగా.. 'పెళ్లి చేసుకోండి అదిరిపోతుంది' అంటూ కాస్త సెటైరికల్గా అన్నారు. వెంటనే హైపర్ ఆది.. ఏంటి చెమటలు వస్తున్నాయి అంటూ నవ్వులు పూయించారు. ఆ వెంటనే వీజే సన్నీ కూడా.. ఇదే ప్రశ్నను శేఖర్ మాస్టర్ను అడగగా.. మళ్లీ హైపర్ ఆది మాట అందుకుని.. 'ఆయన చేసుకున్న పెద్ద బాధ ఏమి ఉండదు. ఇంట, బయట రెండు భోజనాలు చేస్తారు' అంటూ నవ్వించారు. దీనికి స్పందించిన శేఖర్ మాస్టర్.. ' నీ యంకమ్మ.. ఆయన క్వశ్చన్ అడిగింది నన్ను..' అంటూ సరదాగా మాట్లాడారు.
ETV Dhee Dance Show : ఈ సీజన్లో ఆంధ్ర ప్రదేశ్లోని రెండు ప్రాంతాల నుంచి.. తెలంగాణలోని రెండు ప్రాంతాల నుంచి డ్యాన్స్ టీమ్స్ను ఆడియెన్స్కు పరిచయం చేస్తున్నట్లు ఈ ప్రోమోలో చూపించారు.. హైదరాబాద్ ఉస్తాద్స్, ఓరుగల్లు వీరులు, బెజవాడ టైగర్స్, నెల్లూరు నెరజాణలు పేరుతో నాలుగు టీమ్లు ఈ షోలో సందడి చేయనున్నాయి. ఇక ఈ ప్రోమోలో హైలైట్గా ప్రముఖ కమెడియన్ హైపర్ ఆది పంచ్లు.. మరోవైపు యాంకర్ ప్రదీప్ స్పాంటేనియస్ డైలాగ్లు ప్రేక్షకులను కడుపుబ్బా నవ్వించేలా కనిపిస్తున్నాయి.
గంగవ్వ గోరుముద్దలు..!
ETV D Program : ఇక ఈ తొలి ఎపిసోడ్లో బిగ్బాస్ ఫేమ్ గంగవ్వ సెంటర్ ఆఫ్ అట్రాక్షన్గా నిలవనుంది. హైపర్ ఆదిపై ఆమె వేసిన జోక్ బాగా నవ్వించింది. అయితే తానే స్వయంగా ఆవకాయ అన్నంను కలుపుకొని ఓ క్యాన్లో షోకు తీసుకువచ్చారు. తెచ్చిన దానిని అక్కడ స్టేజీపై ఉన్న డ్యాన్సర్లతో పాటు యాంకర్ ప్రదీప్, జడ్జీలు శేఖర్ మాస్టర్, నటి పూర్ణకు కూడా తన చేతులతో తినిపించారు. గంగవ్వ గోరుముద్దలు తిన్న కొందరు ఎమోషనల్కు లోనయ్యారు. ఈ షో ప్రతి బుధవారం రాత్రి 9:30 నిమిషాలకు ఈటీవీలో ప్రసారం కానుంది. దీని కోసం బుల్లితెర ప్రేక్షకులు ఆసక్తిగా ఎదురుచూస్తున్నారు.
- " class="align-text-top noRightClick twitterSection" data="">
ఆల్‌ ఇన్‌ వన్‌ కమెడీతో ఆలీ రెడీ..!
Alitho All In One Show : ఎక్కడైనా కామెడీ కింగ్‌ ఆలీ ఉన్నాడంటే అక్కడ నవ్వులు పూయడం ఖాయం. ఇది చాలా సందర్భాల్లో నిరూపితం అయింది. ఈటీవీలో ఆలీ వ్యాఖ్యాతగా వ్యావహరించే షోలకు విరరీతమైన ఫ్యాన్స్ ఉంటారు. అంతలా తన కామెడీ మాయాజాలంతో ప్రేక్షకులను కడుపుబ్బా నవ్విస్తారు. ఆలీ- 369, ఆలీతో జాలీగా, ఆలీతో సరదాగా.. ఇలా ఈటీవీలో ఆలీ చేసిన ప్రతి షో సూపర్‌ హిట్‌గా నిలిచింది. ఇప్పుడు మళ్లీ సరికొత్తగా ఓ గేమ్‌ షోను, ఓ డ్యాన్స్ షోను, ఓ టాక్‌ షోను, ఓ క్విజ్‌ షోను.. కలగలిపి మెస్మరైజింగ్‌ స్టైల్లో తెలుగు ప్రజల ముందుకు రాబోతున్నారు ఆలీ. అదే.. 'ఆలీతో- ఆల్‌ ఇన్‌ వన్‌!'. ఈ రోజు(జూన్ 20) నుంచి ప్రతి మంగళవారం రాత్రి 9.30కు మీ ఈటీవీలో ప్రసారం కాబోతోంది. ఇక ఈ రోజు(జూన్ 20) ప్రసారం కాబోతున్న మొదటి ఎపిసోడ్లో యువనటులు అవినాష్‌, సిరి, అమర్‌ దీప్‌ పోటీ పడబోతున్నారు.
- " class="align-text-top noRightClick twitterSection" data="">
