Dunki Title Meaning : బాలీవుడ్ బాద్షా షారుక్ ఖాన్ లీడ్ రోల్లో తెరకెక్కిన లేటెస్ట్ మూవీ 'డంకీ'. క్రిస్మస్ కానుకగా ఈ మూవీ డిసెంబర్ 21న విడుదలైంది. ప్రస్తుతం పాజిటివ్ టాక్ అందుకుని థియేటర్లలో సందడి చేస్తోంది. అయితే ఈ మూవీ టైటిల్ అనౌన్స్ చేసినప్పటి నుంచి పేరు చాలా కొత్తగా ఉందంటూ దీనికి అర్థం తెలుసుకునేందుకు నెట్టింట తెగ వెతికేశారు. అయితే తాజాగా దీని అసలు మీనింగ్ను హీరో షారుక్ ఓ ఇంటర్వ్యూలో వెల్లడించారు.
"డంకీ అనేది ఓ చట్టవిరుద్ధమైన ప్రయాణం. దేశ సరిహద్దుల గుండా అక్రమంగా ప్రయాణించడాన్ని డాంకీ ట్రావెల్‌ అంటారు. పంజాబీలోని ఓ సామెత ప్రకారం ఈ పేరు వచ్చినట్లు షారుక్ తెలిపారు. అంతే కాకుండా వాళ్లు దాన్ని డంకీ అంటారని అలా డంకీ రూట్ అనే పేరు వాడుకలోకి వచ్చింది" అని ఆయన వివరించారు.
- " class="align-text-top noRightClick twitterSection" data="">
సరిహద్దుల్లోకి అక్రమంగా ప్రవేశించే వలసదారుల కారణంగా ఈ పద్ధతి పాపులరైంది. ముఖ్యంగా పంజాబ్, హరియాణా, గుజరాత్ లాంటి రాష్ట్రాల్లో ఇలాంటి వలసదారులు చాలా మంది ఉన్నారట. ఇలా 'డంకీ ఫ్లైట్స్' పద్దతిలో అక్రమంగా వలస వెళ్తుంటారంటూ వార్తలు కూడా వస్తుంటాయి. అయితే డంకీ సినిమా వల్ల ఈ పేరు మరోసారి నెట్టింట మార్మోగింది. మరోవైపు 'శిద్ధత్', 'కామ్రేడ్ ఇన్ అమెరికా', 'ఆజా మెక్సికో చలియే' లాంటి సినిమాలు ఇలాంటి కాన్సెప్ట్తో తెరకెక్కినవే.
Salaar Title Meaning : మరోవైపు సలార్ మూవీ మీనింగ్ గురించి కూడా అభిమానులు తెగ ఆరా తీస్తున్నారు. దీంతో ఈ టైటిల్కు అర్థాన్ని తాజాగా డైరెక్టర్ ప్రశాంత్ నీల్ వివరించారు. సలార్ అనేది ఓ ఉర్దూ పదం అని దీని అర్థం సమర్థవంతుడైన నాయకుడని, రాజుకు కుడిభుజంగా ఉంటూ, అత్యంత నమ్మదగిన ఓ వ్యక్తి ని అలా పిలుస్తారంటూ నీల్ వివరణ ఇచ్చాడు. ఇది విన్న ఫ్యాన్స్ ఆనందంతో ఉబ్బితబ్బిపోతున్నారు. ఈ పాత్రకు ప్రభాస్ సరిగ్గా సరిపోయారంటూ ఆయన్ను కొనియాడుతున్నారు. ప్రస్తుతం 'డంకీ', 'సలార్' సినిమాలు బాక్సాఫీస్ వద్ద పోటీ పడుతున్నాయి.
- " class="align-text-top noRightClick twitterSection" data="">
భారీ ధరకు అమ్ముడుపోయిన 'డంకీ' ఓటీటీ రైట్స్ - స్ట్రీమింగ్ అప్పుడే!
'తండేల్' టు 'తంగలాన్' - టైటిల్స్లో కొత్త ట్రెండ్ - వీటికి అర్థాలు తెలుసా ?
