Dunki Teaser : పఠాన్, జవాన్ వంటి చిత్రాలతో రూ.2000 కోట్ల భారీ బ్లాక్ బస్టర్ హిట్లను అందుకున్న బాలీవుడ్ బాద్‌షా షారుక్ ఖాన్ ఇప్పుడు హ్యాట్రిక్ హిట్ మీద కన్నేశారు. ప్రస్తుతం ఆయన స్టార్ డైరెక్టర్ రాజ్ కుమార్ హిరానీతో కలిసి 'డంకీ' సినిమా చేస్తున్నారు. రెండు భాగాలుగా రానున్న ఈ చిత్రం.. ఇప్పుడు రిలీజ్కు రెడీ అయింది. మొదటి భాగం క్రిస్మస్కు బాక్సాఫీస్ వద్ద సందడి చేయనుంది. అయితే నేడు నవంబర్ 2 షారుక్ ఖాన్ పుట్టినరోజు కావడంతో.. ఓ చిన్న టీజర్ను రిలీజ్ చేసి అభిమానులకు సర్ప్రైజ్ ఇచ్చారు మేకర్స్.
టీజర్ ప్రారంభంలో.. షారుక్ ఖాన్తో పాటు కొంతమంది ఎడారిలో నల్ల డ్రెస్ ధరించుకుని ఇల్లీగల్గా దేశం దాటుతూ కనిపించారు. అది చూసిన ఒకడు.. వారిపై అనుమానం వచ్చి తన గన్తో వారిలో ఒకరిని కాల్చడం, అనంతరం ఆ సీన్ను డైవర్ట్ చేసి ఫ్లాష్ బ్యాక్లో తీసుకెళ్లారు. ఫన్ అండ్ ఎమోషనల్గా పాత్రలను పరిచయం చేస్తూ ప్రచార చిత్రాన్ని ముందుకు తీసుకెళ్లారు.
ఈ ప్రచార చిత్రంలో ఐదుగురు యంగస్టర్స్ ఉన్నతమైన జీవితం కోసం ఇంగ్లాండ్‌ వెళ్లాలనే తమ కలను నెరవేర్చుకునేందుకు చేసిన ప్రయత్నమే ఈ కథగా తెరకెక్కించినట్లు తెలుస్తోంది. పంజాబ్‌ ప్రాంతంలోని యువకుల కథను ఇతివృత్తంగా తీసుకుని సినిమాను రూపొందించారు. మరి ఇంగ్లాండ్‌ వెళ్లేందుకు వారు ఎలాంటి ప్రయత్నాలు చేశారు? ఇల్లీగల్గా వెళ్లేందుకు సిద్ధమైన వారికి ఎలాంటి సమస్యలు ఎదురయ్యాయి? వంటి వాటికి దేశభక్తిని జోడించి చూపించారు.
ఇక ఈ సినిమాలో తాప్సీ, విక్కీ కౌశల్, అనిల్ గ్రోవర్, బోమన్ ఇరానీ కీలక పాత్రలు పోషించారు. మున్నాభాయ్ ఎం.బీ.బీ.ఎస్, లాగేరహో మున్నాభాయ్, త్రీ ఇడియట్స్, పీకే, సంజు వంటి బ్లాక్ బస్టర్ చిత్రాలను తీసిన రాజ్‌కుమార్ హిరానీ.. ఈ సినిమాతో మరో బ్లాక్ బస్టర్ అందుకుంటారని అంతా ఆశిస్తున్నారు. సినిమా ముందుగా అనుకున్నట్టే క్మిస్మస్కు(Dunki Release Date) వచ్చి ప్రభాస్ సలార్తో పోటీ పడనుంది. చూడాలి మరి ఏది విన్నర్గా నిలుస్తుందో..
- " class="align-text-top noRightClick twitterSection" data="">
