Prabhas Project K Disha patani: ఒక పక్క పాత సినిమాల్ని పూర్తి చేస్తూ.. మరోపక్క కొత్త చిత్రాల కోసం రంగంలోకి దిగుతున్నారు అగ్ర కథానాయకుడు ప్రభాస్. ఇటీవలే 'ఆదిపురుష్‌'ని పూర్తి చేసిన ఆయన ప్రస్తుతం 'ప్రాజెక్ట్ కె' చిత్రీకరణలో పాల్గొంటున్నారు. వైజయంతీ మూవీస్‌ పతాకంపై ఈ భారీ బడ్జెట్ మూవీ తెరకెక్కుతోంది. అయితే ఇప్పటికే ఈ సినిమాలో బాలీవుడ్ స్టార్స్ అమితాబ్ బచ్చన్, దీపికా పదుకొణె నటిస్తుండగా.. ఇప్పుడు మరో హిందీ ముద్దుగుమ్మ ఇందులో నటించేందుకు సిద్ధమైంది. హాట్ బ్యూటీ దిశాపటానీ ఇందులో నటించనుంది. ఈ విషయాన్ని ఆమె ఇన్స్టా స్టోరీస్లో పోస్ట్ చేసింది. మరి ఆమె ఏ పాత్ర చేయనుందో తెలియాలంటే మరి కొంత కాలం వేచి ఉండాల్సిందే.
కాగా, సైన్స్‌ ఫిక్షన్‌ కథతో రూపొందుతున్న ఈ చిత్రం పాన్ ఇండియా స్థాయిలో రూపొందుతోంది. కథ రీత్యా ఓ కొత్త ప్రపంచాన్ని సృష్టించేలా తీర్చిదిద్దిన ప్రత్యేకమైన సెట్‌లో చిత్రీకరణ చేస్తున్నారు. 'మహానటి' తర్వాత నాగ్‌ అశ్విన్‌ దర్శకత్వం వహిస్తున్న చిత్రమిది. అశ్వనీదత్‌ నిర్మిస్తున్నారు.
ఇదీ చూడండి: కావాలంటే రాసుకోండి.. అది జరగడం పక్కా!: మహేశ్బాబు
