సౌత్ ఇండస్ట్రీలో ఎంతో మంది టాలెంట్ అండ్ సక్సెస్ఫుల్ డైరెక్టర్లు ఉన్నారు. అలాంటి వారిలో తమిళ దర్శకుడు వెంకట్ ప్రభు ఒకరు. నటుడిగా, ప్లే బ్యాక్ సింగర్గా కెరీర్ను ప్రారంభించిన ఆయన.. ఆ తర్వాత దర్శకుడుగా మారి కోలీవుడ్లో ఎన్నో సూపర్ హిట్ చిత్రాలను తెరకెక్కించారు. ఓ సక్సెస్ఫుల్ డైరెక్టర్గా మంచి పేరు తెచ్చుకున్నారు. థ్రిల్లర్ స్టోరీస్, ఒరిజినల్ కంటెంట్ సినిమాలకు కేరాఫ్ అడ్రెస్గా నిలుస్తున్నారు. 'మానాడు', 'రాక్షసుడు' తదితర డబ్బింగ్ చిత్రాలతో తెలుగు ప్రేక్షకులను అలరించిన ఆయన.. రీసెంట్గా అక్కినేని యువ సామ్రాట్ నాగ చైతన్య--హీరోయిన్ కృతిశెట్టితో కలిసి 'కస్టడీ' అనే సినిమాను తెరకెక్కించారు. తెలుగు- తమిళంలో రూపొందిన ఈ చిత్రం ఇటీవలే భారీ అంచనాలతో థియేటర్లలో రిలీజైంది. అయితే బాక్సాఫీస్ ముందు ఈ చిత్రం మిక్స్డ్ టాక్ తెచ్చుకుంది. వసూళ్ల విషయంలోనూ ఆకట్టుకోలేకపోయింది.
అయితే సాధారణంగా ఇండస్ట్రీలో ఓ చిత్రం రిజల్ట్ ఎలా ఉన్నా దాన్ని పక్కన పెట్టి.. ఆ మూవీకి పనిచేసిన నటీనటులు, డైరెక్టర్.. కాస్త గ్యాప్ తీసుకుని తమ కొత్త సినిమాపై ఫోకస్ చేయడం ప్రారంభిస్తారు. అయితే 'కస్టడీ' రిజల్ట్తో ప్రస్తుతం నాగ చైతన్య కాస్త డీలా పడగా.. దర్శకుడు వెంకట్ ప్రభు మాత్రం కొంచెం కూడా గ్యాప్ ఇవ్వకుండా తన ఫ్యూచర్ ప్రాజెక్టు గురించి స్పీడ్గా ప్లాన్ చేసుకుంటున్నారు. ఇందులో భాగంగానే తన ఫేవరెట్ స్టార్ హీరోలు అజిత్ కుమార్, దళపతి విజయ్ కోసం రెండు వేరే వేరు కథలను కూడా రెడీ చేసుకున్నారట. ఇప్పుడు వాళ్లతో సినిమా చేసేందుకు ఆయన ప్రయత్నాలు చేస్తున్నారని తెలిసింది.
ఈ క్రమంలోనే దళపతి విజయ్తో కథపై చర్చలు కూడా జరిపారని కోలీవుడ్ వర్గాల నుంచి సమాచారం అందింది. దర్శకుడు చెప్పిన యాక్షన్ థ్రిల్లర్ స్క్రిప్ట్ విజయ్ బాగా నచ్చిందని, దీంతో వెంటనే సినిమా చేసేందుకు గ్రీన్ సిగ్నల్ ఇచ్చారని సమాచారం. త్వరలోనే దీనికి సంబంధించిన అధికార ప్రకటన రానుందని తెలుస్తోంది. ఈ చిత్రానికి కూడా కస్టడీకి మ్యూజిక్ అందించిన యువన్ శంకర్ రాజా సంగీతం అందిస్తారట.
ఇకపోతే ప్రస్తుతం విజయ్.. లోకేశ్ కనగరాజ్ దర్శకత్వంలో యాక్షన్ థ్రిల్లర్ 'లియో' సినిమాను చేస్తున్నారు. ఈ మూవీ షూటింగ్ చివరి దశకు చేరుకుంది. ఇది పూర్తవ్వగానే వెంకట్ ప్రభుతో కలిసి సినిమాను మొదలు పెట్టే అవకాశం ఉందని తెలుస్తోంది. ప్రస్తుతం ఈ కాంబో ఇండస్ట్రీలో ఇంట్రెస్టింట్గా మారింది.
ఇదీ చూడండి: Dootha webseries : చైతూ 'దూత' ఏమైనట్టు?
