Tarun bhaskar keeda cola teaser : టాలెంటెడ్ డైరెక్టర్ తరుణ్ భాస్కర్.. స్వీయ దర్శకత్వంలో తెరకెక్కుతున్న తాజా చిత్రం 'కీడా కోలా'. తాజాగా ఈ సినిమా టీజర్ రిలీజైంది. 'పెళ్లి చూపులు', 'ఈ నగరానికి ఏమైంది' చిత్రాలు(ఐదేళ్ల తర్వాత) తరుణ్ దర్శకత్వం వహిస్తున్న చిత్రమిది. క్రైమ్ కామెడీ థ్రిల్లర్‌గా ఈ చిత్రం రూపొందింది. ఎనిమిది ప్రధాన పాత్రల చుట్టూ ఈ కథ సాగుతోంది. ఇందులో ప్రముఖ హాస్య నటుడు బ్రహ్మానందం కూడా ఓ కీలక పాత్ర పోషించారు.
ముందుగా కీడా కోలా అనే పేరున్న కూల్‍డ్రింక్ సీసాను చూపిస్తూ మొదలైన ఈ టీజర్లో బ్రహ్మానందం, చైతన్య రావు తీక్షణంగా బాటిల్ లోపల ఉన్న దాన్ని చూస్తూ కనిపించారు. 'ఏంట్రా అది' అని బ్రహ్మానందం అడగగా.. 'గ్రేప్స్ ఏమో' అని అంటారు చైతన్య.'గ్రేప్సా.. ఎలా బతికావురా ఇన్నాళ్లు నువ్వు' అని బ్రహ్మానందం తిరిగి డైలాగ్ చెప్పడం... 'నువ్వు.. నువ్వు బతుకుతలేవా.. అట్లనే' అంటారు చైతన్య. ఆ తర్వాత కీడా కోలా కోసమే మొత్తం కథ, అందులో పాత్రలు తిరుగుతున్నట్లు విజువల్స్ చూపించారు. ఈ క్రమంలోనే ఫైటింగ్లు, గన్స్‌తో ఛేజింగ్, యాక్షన్ సీన్లను సరదా సరదాగా చూపించారు. ఇందులో తరుణ్ భాస్కర్ నెగెటివ్ షేడ్స్ ఉన్న క్యారెక్టర్ పోషించినట్టు అర్థమవుతోంది. చివరకు 'శ్వాస మీద ధ్వాస.. ఒస్తున్నాం' అంటూ ప్రచార చిత్రాన్ని ముగించారు.
- " class="align-text-top noRightClick twitterSection" data="">
Tharun bhascker new movie : అయితే ఈ ప్రచార చిత్రంలో ఎక్కడా కథను రివీల్ చేయకుండా సస్పెన్స్ పెట్టారు. కీడా కోలా సీసాలో ఏదో దాగున్న రహస్యం కోసం వాళ్లంతా ఫైట్లు, ఛేజింగ్లు చేయడం మాత్రమే చూపించారు. మరి ఆ బాటిల్లో అంత సీక్రెట్ ఏముందో తెలియాలంటే సినిమా వచ్చే వరకు వేచి ఉండాల్సిందే. ఏదేమైనప్పటికీ ఈ ప్రచార చిత్రం చూస్తుంటే తరుణ్ భాస్కర్ ఏదో కొత్తగా ప్రయత్నించబోతున్నట్లు అర్థమవుతోంది. ఆడియెన్స్కు కూడా సినిమాపై మంచి ఆసక్తి కలిగేటట్టు ఉంది. ఇక ఈ టీజర్కు వివేక్ సాగర్ అందించిన బ్యాక్‍‍గ్రౌండ్ మ్యూజిక్ కూడా వైరెటీగా ఉంది. విజువల్స్ మొత్తం ఆసక్తి రేపెలా సాగాయి. సంభాషణలు ఎక్కువగా లేవు. ఫైనల్గా ఈ టీజర్‌ను తరుణ్ భాస్కర్ తన ట్విట్టర్‌లో పోస్ట్ చేస్తూ.. "కష్టపడ్డాం. పాలమ్మినం. ఇగ అంతా మీదే. తీసుకోండి. ఫైర్ లేపాలి' అని క్యాప్షన్ రాసుకొచ్చారు. మరి ఈ సినిమా వర్కౌట్ అయితదో లేదో చూడాలి. కాగా, ఈ చిత్రాన్ని వివేక్ సుదాన్షు, సాయికృష్ణ గద్వాల్, శ్రీనివాస్ కౌశిక్ నండూరి, శ్రీపాద్ నందిరాజ్, ఉపేంద్ర వర్మ కలిసి సంయుక్తంగా నిర్మించారు. త్వరలోనే ఈ సినిమా రిలీజ్ కానుంది.
ఇదీ చూడండి :
