టాలీవుడ్ నేచురల్ స్టార్ నటించిన దసరా సినిమా బాక్సాఫీస్ వద్ద దుమ్మురేపుతోంది. భారీ వసూళ్లతో అదరగొడుతోంది. నాని కెరీర్లో అత్యధిక వసూళ్లు సాధించిన సినిమాగా నిలిచింది. తాజాగా ఈ చిత్రం వంద కోట్ల క్లబ్లోకి చేరింది. ఈ విషయాన్ని చిత్రబృందం అధికారికంగా ప్రకటించింది. ధరణి తన నటనతో బాక్సాఫీస్ కొల్లగొట్టాడని ట్వీట్ చేసింది. దాంతో పాటు స్పెషల్ పోస్టర్ను విడుదల చేసింది.
అయితే ఆ పోస్టర్ను పాన్ ఇండియా స్టార్ ప్రభాస్.. ఇన్స్టాగ్రామ్ స్టోరీలో షేర్ చేశారు. 'దసరా సినిమా బాక్సాఫీస్ వద్ద వంద కోట్ల మార్క్ దాటింది. ఈ మువీ హీరో నాని, హీరోయిన్ కీర్తి సురేశ్, దర్శకుడు శ్రీకాంత్ ఓదెలకు కంగ్రాట్స్' అంటూ క్యాప్సన్ ఇచ్చారు. బుధవారం.. సాయంత్రం దసరా చిత్ర బృందం.. దసరా బ్లాక్‌బస్టర్‌ దావత్‌ పేరిట సక్సెస్‌ సెలబ్రేషన్స్‌ను కూడా ఏర్పాటు చేసింది.
- " class="align-text-top noRightClick twitterSection" data="">
అయితే ఈ సినిమాను పలువురు సినీ ప్రముఖులు అభినందిస్తున్నారు. టాలీవుడ్ దర్శక దిగ్గజం రాజమౌళి 'దసరా'లో నటించిన నేచురల్ స్టార్ నానిపై ప్రశంసల వర్షం కురిపించారు. ఈ సినిమాతో నాని తన కెరీర్లోనే అత్యుత్తమమైన నటనను ప్రదర్శించాడని కొనియాడారు. హీరోయిన్ కీర్తి సురేశ్ కూడా వెన్నెల క్యారెక్టర్లో ఒదిగిపోయి అవలీలగా నటించందంటూ మెచ్చుకున్నారు. దర్శకుడు శ్రీకాంత్ ఓదెల.. వాస్తవ ప్రపంచంలో పాత్రల మధ్య హృదయానికి హత్తుకునే ఓ గొప్ప లవ్ స్టోరీని తెరకెక్కించారని ప్రశంసించారు. ఈ సందర్భంగా సినిమాటోగ్రఫీ, నేపథ్య సంగీతాన్ని కూడా ప్రత్యేకంగా అభినందించారు రాజమౌళి.
అంతకుముందు సూపర్స్టార్ మహేశ్ బాబు కూడా మూవీ టీమ్పై ప్రశంసల వర్షాన్ని కురిపించారు. సినిమా చాలా బాగుందని, ఈ విషయానికి తాను ఎంతగానో గర్విస్తున్నానని అన్నారు. ఇక ఈ ట్వీట్కు రిప్లై ఇస్తూ మహేశ్‌కు ధన్యవాదాలు చెప్పింది చిత్ర నిర్మాణ సంస్థ. అంతే కాకుండా హీరో నాని కూడా మహేశ్ నుంచి ఇలాంటి కామెంట్స్ రావడం.. పోకిరి సినిమాకు మణిశర్మ సంగీతం లాగా ఉందని రిప్లై ఇచ్చారు .
నాని నటించిన తొలి పాన్ ఇండియా చిత్రం 'దసరా'. ఈ సినిమాలో కీర్తి సురేశ్ హీరోయిన్గా అలరించింది. శ్రీరామనవమి సందర్భంగా మార్చి 30న మొత్తం 5 భాషల్లో విడుదలైన ఈ చిత్రం వరల్డ్ వైడ్గా దాదాపు 3 వేలకుపైగా థియేటర్లలో ప్రదర్శితమవుతోంది. రిలీజైన మొదటి రోజు నుంచే తెలుగుతో పాటు మిగిలిన భాషల్లోనూ మంచి టాక్‌ను సొంతం చేసుకుంది.
