యువ హీరో ఆకాశ్పూరి నటించిన తాజా చిత్రం 'చోర్ బజార్'. జీవన్రెడ్డి దర్శకుడు. ఈ సినిమా ఈనెల 24న విడుదలవుతోంది. ఈ సందర్భంగా చిత్ర విశేషాలను తెలిపారు హీరో ఆకాష్‌. ఆ విశేషాలు ఆయన మాటల్లోనే...
"నేనిప్పటివరకు చేసిన చిత్రాల్లో పూర్తి భిన్నమైన సినిమా ఇదే. పూర్తి కమర్షియల్‌ అంశాలతో హీరోయిజాన్ని ఎలివేట్‌ చేస్తూ సాగుతుంది. నేనిందులో బచ్చన్‌ సాబ్‌ అనే పాత్రలో కనిపిస్తా. పాత్ర తీరు చాలా కొత్తగా ఉంటుంది. అందుకే కథ వినగానే చేస్తానని చెప్పా. చోర్ బజార్ ఏరియా అనగానే మనం అక్కడి వాళ్లు దొంగతనాలు చేస్తుంటారనుకుంటాం. కానీ, దగ్గరగా చూస్తే వాళ్ల జీవితాలు వేరుగా ఉంటాయి. అక్కడి మనుషులు, కుటుంబాలు, వాళ్ల కష్టాలు ఇవన్నీ ఈ సినిమాలో చూస్తారు"
"ఈ సినిమాలో నేనొక టైర్ల దొంగగా కనిపిస్తా. కారు కనిపించిందంటే చాలు నిమిషాల్లో టైర్లు మాయం చేసేస్తుంటా. ఈ చోరకళలో రికార్డులూ సాధించేస్తుంటా. అయితే ఆ డబ్బులతో చోర్ బజార్‌లోని పేదవారికి సాయం చేస్తుంటాను. అందుకే అక్కడి వాళ్లకు నేను హీరో. దర్శకుడు జీవన్ తన చిత్రాల్లో హీరోయిజాన్ని బాగా చూపించారు. ఈ చిత్రంతో నాకు ఓ కొత్త ఇమేజ్‌ వస్తుందని ఆశిస్తున్నా. సినిమాలో యాక్షన్‌ సన్నివేశాలు చాలా స్టైలిష్‌గా ఉంటాయి. క్లైమాక్స్‌ అదిరిపోతుంది. ఈ చిత్రంలో వజ్రం ఒక క్యారెక్టర్‌గా కనిపిస్తుంది. దాని చుట్టూ జరిగే డ్రామా థ్రిల్‌ పంచుతుంది"
- " class="align-text-top noRightClick twitterSection" data="">
"ఈ సినిమా ద్వారా సీనియర్‌ నటి అర్చనతో కలిసి పనిచేసే అవకాశం దొరకడం సంతోషంగా ఉంది. ఇందులో నా పాత్రకు బచ్చన్‌ సాబ్‌ అని పేరు పెట్టేది ఆమే. ఇందులో హీరోయిన్‌ మూగ అమ్మాయిగా కనిపిస్తుంది. తనకి మాటలు రాకున్నా.. స్పీకర్‌లో సినిమా డైలాగ్స్‌ పెట్టి సమాధానం చెబుతుంది. పాటలు, ట్రైలర్‌ చూశాక నాన్న పూరి జగన్నాథ్‌ సినిమా బాగుందిరా.. గ్రాండ్‌గా కనిపిస్తుందన్నారు"
"రొమాంటిక్‌ వేడుకలో నేను హీరోగా నిలబడతానని చెప్పా. అది ఒక్క సినిమాతో అయ్యేది కాదు. నాన్న ఎప్పుడూ నా సినిమాల విషయంలో కలగజేసుకోరు. 'నీ సినిమాల నిర్ణయాలు నువ్వే తీసుకో.. ధైర్యంగా ముందుకెళ్లు' అంటారు. నా గత చిత్రాలు చూసిన వాళ్లు వయసుకు మించిన పాత్రలు చేశావని అన్నారు. ఇక నుంచి అందరికీ నచ్చే సినిమాలే ఎంచుకోవాలనుకుంటున్నా. నా తొలి ప్రాధాన్యమెప్పుడూ సినిమానే. ప్రస్తుతం మూడు ప్రాజెక్ట్‌లు లైన్లో ఉన్నాయి. వీటిలో ఒకటి కామెడీ ఎంటర్‌టైనర్‌, మరొకటి స్పోర్ట్స్‌ బ్యాక్‌డ్రాప్‌ ఫిల్మ్‌" అని అన్నారు.
ఇదీ చూడండి: సల్మాన్ సరసన 10మంది టాప్ హీరోయిన్లు.. సమంత, రష్మిక ఇంకా..!
