Acharya First review: మెగాస్టార్ చిరంజీవి, రామ్చరణ్ కలిసి నటించిన సినిమా 'ఆచార్య'. ఏప్రిల్ 29న థియేటర్లలో విడుదల కానున్న ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ఈ నేపథ్యంలో ఆచార్యను వీక్షించిన సెన్సార్ బోర్డు సభ్యుడు, సినీ విశ్లేషకుడు ఉమైర్ సంధు ఫస్ట్ రివ్యూను సోషల్మీడియాలో పోస్ట్ చేశారు. మాస్ ప్రేక్షకులను సినిమా విపరీతంగా ఆకట్టుకుంటుందని చెప్పారు.
"మాస్ ప్రేక్షకులకు ఫుల్ మసాలా అందించే సినిమా. చిరు, చరణ్ తన నటనతో మెస్మరైజ్ చేశారు. పండగ సీజన్లో సరికొత్త రికార్డును సృష్టిస్తుంది." అని ట్వీట్ చేశారు. ఈ ట్వీట్తో సినిమా అంచనాలు మరింత పెరిగాయి. మరి ఈ చిత్రం ఎలాంటి రికార్డులను క్రియేట్ చేస్తుందో చూడాలి.
కాగా, 'ఆచార్య' విషయానికొస్తే.. దేవాలయాల ప్రాముఖ్యత, వాటిని అడ్డుపెట్టుకుని కొంతమంది చేసే అవినీతిని చూపించే కథాంశంతో ఈ సినిమా రూపుదిద్దుకున్నట్లు తెలుస్తోంది. కొరటాల శివ దర్శకుడు. చిరు, చరణ్, పూజాహెగ్డే, సోనూసూద్ ప్రధాన పాత్రల్లో నటించారు. మ్యాట్నీ ఎంటర్‌టైన్‌మెంట్స్‌, కొణిదెల ప్రొడెక్షన్స్‌ బ్యానర్స్‌పై నిరంజన్‌రెడ్డి, రామ్చరణ్ ఈ చిత్రాన్ని నిర్మించారు. మణిశర్మ స్వరాలు సమకూర్చారు.
ఇదీ చూడండి: చిరు తొలిసారి 'నక్సలైట్'గా చేసిన సినిమా ఏంటో తెలుసా?
