Bro Movie Trailer : పవర్ స్టార్ పవన్ కల్యాణ్-మెగా హీరో సాయితేజ్ కలిసి నటించిన మల్టీస్టారర్ సినిమా 'బ్రో'. ఈ సినిమా ట్రైలర్ను మూవీయూనిట్ శనివారం విడుదల చేసింది. అయితే 'బ్రో'.. తమిళ సినిమా 'వినోదయ సీతం' సినిమాకు రీమేక్. అయితే ఒరిజినల్లో ఈ చిత్రానికి దర్శకత్వం వహించిన సముద్రఖనియే.. తాజాగా 'బ్రో' సినిమాను తెరకెక్కించారు. కాగా ప్రపంచ వ్యాప్తంగా ఈ సినిమా జులై 28న థియేటర్లలో విడుదల కానుంది. మరి 'బ్రో' సినిమా ట్రైలర్ మీరూ చూసేయండి.
- " class="align-text-top noRightClick twitterSection" data="">
మనుషులందరూ భస్మాసురుడి వారసులు అంటూ.. పవర్ స్టార్ వాయిస్తో ట్రైలర్ ప్రారంభమవుతుంది. హీరో తేజ్కు రోడ్డు ప్రమాదం జరిగినప్పుడు.. పవన్ కల్యాణ్ అతడికి దర్శనమిస్తారు. ఇక అప్పటి నుంచి పవన్, తేజ్ కలిసి సినిమాలో స్క్రీన్ చేసుకుంటారని ట్రైలర్ చూస్తే తెలుస్తోంది. చాలా రోజుల తర్వాత బ్రహ్మానందాన్ని మళ్లీ.. కమెడియన్ పాత్రలో తెరపై చూడనున్నాం. అయితే.. పవన్ కల్యాణ్ హిట్ పాటలు ఈ సినిమా అఖర్లో ఓ సన్నివేశంలో ఉన్నట్లు ట్రైలర్లో చూపించారు. దీంతో ఇక థియేటర్లో మాస్ జాతరే అంటూ పవర్ స్టార్ ఫ్యాన్స్ అప్పుడే విజిలేస్తున్నారు. కంప్లీట్ ఫ్యామిలీ డ్రామా ఎమోషన్స్తో కూడిన 'బ్రో' జులై 28 నుంచి థియేటర్లలో సందడి చేయనుంది.
Bro Movie Cast : ఇక ఈ సినిమాలో సాయి తేజ్ సరసన కేతికా శర్మ, ప్రియా ప్రకాశ్ వారియర్ హీరోయిన్స్గా నటించారు. ఈ చిత్రానికి తమన్ సంగీతం సమకూర్చారు. కాగా మాటల మాంత్రికుడు త్రివిక్రమ్.. ఒరిజినల్ స్టోరీలో మార్పులు చేసి తెలుగు నెటివిటీకి తగ్గట్టుగా స్క్రీన్ ప్లే, మాటలు అందించారు. పీపుల్స్ మీడియా ఫ్యాక్టరీ బ్యానర్లో టీజీ విశ్వప్రసాద్ ఈ సినిమాను నిర్మించారు. కాగా తనికెళ్ల భరణి, బ్రహ్మానందం, సుబ్బరాజు తదితరులు కీలక పాత్రల్లో నటించారు.
అయితే శనివారం రిలీజైన బ్రో ట్రైలర్ యూట్యూబ్లో ట్రెండింగ్లో నిలిచింది. కేవలం 45 నిమిషాల్లోనే మిలియన్ వ్యూస్తో దూసుకుపోతోంది. కాగా ఇప్పటికే ఈ ట్రైలర్కు లక్షా డెభైవేల లైక్స్ వచ్చాయి.
