Brahmastra Box Office Collection : రణ్బీర్ కపూర్, ఆలియా భట్ నటించిన 'బ్రహ్మాస్త్ర' మూవీ.. బాక్సాఫీసు వద్ద కలెక్షన్ల వర్షం కురిపిస్తోంది. ఈ సినిమా ఇప్పటి వరకు రూ.225 కోట్ల గ్రాస్ వసూలు చేసిందని చిత్ర యూనిట్ తెలిపింది. బాయ్కాట్ ట్రెండ్ను కూడా అదిగమించి భారీ వసూళ్లు సాధిస్తోంది. 'బ్రహ్మాస్త్ర' విజయం వల్ల బాలీవుడ్కి వరస ఫ్లాప్ల నుంచి విముక్తి లభిస్తుందని పలువురు అభిప్రాయపడుతున్నారు.
గత కొంత కాలంగా బాలీవుడ్ చిత్ర పరిశ్రమను బాయ్కాట్ ట్రెండ్ కుదిపేస్తోంది. 'బ్రహ్మాస్త్ర' సనిమాకు కూడా బాయ్కాట్ సెగ తాకింది. కొన్ని సంవత్సరాల క్రితం రణ్బీర్ కపూర్ చేసిన వ్యాఖ్యలు అతడిని వెంటాడుతున్నాయి. ఇటీవల రణ్బీర్, ఆలియా ఉజ్జయిని మహాకళేశ్వర్ ఆలయానికి వెళ్లినప్పుడు అక్కడ కొందరు నిరసన చేపట్టారు. దాని తర్వాత సోషల్ మీడియాలో 'బాయ్కాట్ బ్రహ్మాస్త్ర' ట్రెండ్ మొదలైంది.
బాలీవుడ్ స్టార్ నటీనటులు రణ్బీర్ కపూర్, ఆలియా భట్ నటించిన 'బ్రహ్మాస్త్ర' మూవీ.. శుక్రవారం పాన్ ఇండియా స్థాయిలో విడుదలైంది. నాన్ హాలిడే రోజు ఈ మూవీ విడుదలైనప్పటికీ భారీ వసూళ్లు సాధించడం పట్ల చిత్ర యూనిట్ హర్షం వ్యక్తం చేస్తోంది. ప్రపంచవ్యాప్తంగా దాదాపు 8913 స్క్రీన్లల్లో విడుదలైన ఈ మూవీ ఫస్ట్డే దాదాపు రూ.75 కోట్ల మేరకు వసూళ్లు చేసిందని చిత్ర యూనిట్ ప్రకటించింది. హిందీతో పాటు అన్ని భాషల్లో సినిమాకు చక్కటి కలెక్షన్స్ వస్తున్నాయని పేర్కొంది. 2డీ వెర్షన్ తో పాటు త్రీడీకి కూడా మంచి ఆదరణ లభిస్తుందని వెల్లడించింది.
ఇవీ చదవండి: విజయ్‌ కొత్త సినిమా అప్డేట్.. ప్రముఖ నిర్మాణ సంస్థ 100వ ప్రాజెక్టుగా
అశ్రునయనాల మధ్య అధికార లాంఛనాలతో రెబల్స్టార్కు అంతిమవీడ్కోలు
