మరో మల్టీస్టారర్ చిత్రానికి సిద్ధమయ్యారు హీరో రామ్ పోతినేని. మాస్ డైరెక్టర్ బోయపాటితో ఆయన చేయబోయే సినిమా మల్టీస్టారర్ అని సమాచారం. ఇందులో రామ్తో పాటు తమిళ హీరో శివ కార్తికేయన్ కూడా నటించనున్నట్లు సమాచారం. మరో విశేషం ఏంటంటే.. ఎమోషనల్ యాక్షన్ ఎంటర్టైనర్గా తెరకెక్కనున్న ఈ సినిమాను పాన్ఇండియా స్థాయిలో తీర్చిదిద్దుతున్నట్లు తెలుస్తోంది. ఈ చిత్రానికి సంబంధించిన మరిన్ని వివరాలు తెలియాల్సి ఉంది. 'అఖండ'తో మాంచి జోష్లో ఉన్న బోయపాటి.. రామ్కు భారీ విజయాన్ని అందిస్తాడేమో చూడాలి.
'పుష్ప-2'లో సేతిపతి!: దేశవ్యాప్తంగా సినీ అభిమానులు ఎంతో ఆసక్తిగా ఎదురుచూస్తున్న చిత్రం 'పుష్ప-2'. సుకుమార్ దర్శకత్వంలో ఐకాన్ స్టార్ అల్లు అర్జున్ నటించిన ఈ సినిమా మొదటి భాగం ఘన విజయాన్ని అందుకుంది. దీంతో రెండో భాగంపై భారీ అంచనాలున్నాయి. అందుకు తగ్గట్లే కథాకథనాల్లో సుకుమార్ పలు మార్పులు చేస్తున్నట్లు సమాచారం.
అయితే ఈ సినిమా గురించి లేటెస్ట్ అప్డేట్ ఏంటంటే.. ఇందులో తమిళ స్టార్ హీరో విజయ్ సేతుపతి ఓ కీలకపాత్రలో నటించనున్నట్లు తెలుస్తోంది. వాస్తవానికి తొలి భాగంలోనే ఫహద్ ఫాజిల్ చేసిన పోలీస్ పాత్రలో ఆయన నటించాల్సి ఉండగా.. పలు కారణాల వల్ల కుదరలేదు. 'పుష్ప-2'లో సేతుపతి.. మరో సీనియర్ పోలీస్ అధికారి పాత్రలో నటించనున్నట్లు వినికిడి. దీనిపై అధికారిక ప్రకటన రావాల్సిఉంది.
ఇదీ చూడండి: ప్రభాస్, దుల్కర్, నాని ఒకే ఫ్రేమ్లో.. 'కేజీయఫ్' దర్శకుడితో..!
