Actor Sunil Shende passed Away: సినీ పరిశ్రమను వరుస విషాదాలు వెంటాడుతున్నాయి. బాలీవుడ్ ప్రముఖ నటుడు సునీల్ శెండే కన్నుముశారు. ఆదివారం అర్ధరాత్రి ఒంటి గంట సమయంలో ఆయన తుదిశ్వాస విడిచారు. అయితే శెండే మరణానికి గల కారణాలు ఇంకా పూర్తిగా తెలియరాలేదు. శెండే మరణవార్త తెలుసుకున్న పలువురు బాలీవుడ్ ప్రముఖులు సంతాపం తెలుపుతున్నారు.
"సునీల్ శెండే(70).. అదివారం అర్ధరాత్రి విలేపార్లేలోని తన నివాసంలో మరణించారు. హిందూ శ్మశానవాటికలో సోమవారం మధ్యాహ్నం ఆయన అంత్యక్రియలను కుటుంబసభ్యులు పూర్తి చేశారు" అని సినీ విమర్శకులు పవన్ ఝా మీడియాకు తెలిపారు.
30 సంవత్సరాల సినీ కెరీర్లో సునీల్ శెండే.. అనేక చిత్రాల్లో సహాయ నటుడి పాత్రల్లో మెరిశారు. గాంధీ, ఖల్ నాయక్, ఘాయల్, జిద్ది, దౌద్, మగన్, విరుద్ధ్ వంటి చిత్రాల్లో నటించారు. ఆమిర్ ఖాన్ నటించిన సర్ఫరోష్ మూవీలో డిప్యూటీ కమీషనర్ ఆఫ్ పోలీస్ పాత్రను ఆయన పోషించారు.
