పవన్​ కల్యాణ్ 'హరిహర వీరమల్లు' డైలాగ్​ లీక్​- 'యానిమల్' విలన్ అంత పని చేశాడా!

Bobby Deol Hari Hara Veera Mallu Dialogue : 'యానిమల్​' సినిమాలో విలన్​గా నటించిన బాలీవుడ్ నటుడు బాబీ డిఓల్.. తెలుగులో అగ్ర హీరోలతో స్క్రీన్​ షేర్​ చేసుకోనున్నారు. పవర్​ స్టార్ పవన్ కల్యాణ్​ ప్రధాన పాత్రలో తెరకెక్కుతున్న చిత్రంలోనూ ఓ కీలక రోల్​ చేస్తున్నారు​. అయితే ఈ చిత్రంలో నుంచి ఓ డైలాగ్​ను లీక్​ చేశారు బాబీ!. అదేంటంటే?

Bobby Deol Hari Hara Veera Mallu Dialogue : ఈ మధ్య బాలీవుడ్ వింటేజ్ స్టార్లు దక్షిణాది సినిమాల్లో ప్రతినాయకుడి పాత్రల్లో కనిపిస్తున్నారు. ఇప్పటికే సైఫ్ అలీఖాన్‌, సంజయ్‌ దత్‌ వంటి నటులు విలన్​ పాత్రల్లో మెరిశారు. తాజాగా మరో బీ-టౌన్ స్టార్ యాక్టర్ బాబీ దెఓల్ కూడా ఆ లిస్ట్​లో చేరిపోయారు. తెలుగు డైరెక్టర్ సందీప్ రెడ్డి వంగ- బాలీవుడ్ స్టార్ హీరో రణ్​బీర్ కపూర్ కాంబోలో తెరకెక్కిన 'యానిమల్​' సినిమాలో పవర్​ఫుల్​ విలన్ పాత్ర పోషిస్తున్నారు. అయితే ఈ నటుడు తాజాగా చెప్పిన ఓ డైలాగ్ ఆసక్తికర చర్చకు దారితీసింది.

ఇదీ జరిగింది..
ప్రస్తుతం బాబీ దేవోల్.. పవన్​ కల్యాణ్​ ప్రధాన పాత్రలో పాన్​ ఇండియా సినిమాగా తెరకెక్కుతున్న 'హరిహర వీరమల్లు'లో నటిస్తున్నారు. దీంతో పాటు తమిళ హీరో సూర్య నటిస్తున్న భారీ ప్రాజెక్ట్‌ 'కంగువా'లోనూ ఓ కీలక పాత్ర పోషిస్తున్నారు. వీటితో పాటు బాలకృష్ణ సినిమాలోనూ బాబీ నటించనున్నారనే వార్తలు వస్తున్నాయి. ఇదిలా ఉండగా సోమవారం హైదరాబాద్​లో జరిగిన 'యానిమల్‌' ప్రీ రిలీజ్ వేడుకలో బాబీ దేఓల్ మాట్లాడారు. ఈ సందర్భంగా.. "నేను తెలుగులో ఓ సినిమా చేస్తున్నాను. అందులోని ఓ డైలాగ్ నాకు గుర్తుంది. 'బాద్‌షా బేగం మా ప్రాణం. మా ప్రాణాన్ని కాపాడడం కోసం మీకేం కావాలో కోరుకోమని ఆదేశిస్తున్నా'' అనే డైలాగ్ చెప్పారు.

• #HariHaraVeeraMallu 🦅 pic.twitter.com/X0Lq6o2m0B

  — Supreme PawanKalyan FC™ (@SupremePSPK) November 27, 2023 " class="align-text-top noRightClick twitterSection" data="

  #HariHaraVeeraMallu 🦅 pic.twitter.com/X0Lq6o2m0B

  — Supreme PawanKalyan FC™ (@SupremePSPK) November 27, 2023

  ">

  #HariHaraVeeraMallu 🦅 pic.twitter.com/X0Lq6o2m0B

  — Supreme PawanKalyan FC™ (@SupremePSPK) November 27, 2023

అయితే బాబీ తెలుగులో చేస్తున్న సినిమాల్లో ఆయన తాజాగా చెప్పిన డైలాగ్​ 'హరిహర వీరమల్లు' సినిమాకు చాలా దగ్గరగా ఉంది. దీంతో ఈ డైలాగ్ పవన్ కల్యాణ్ సినిమాలోదే అని కొందరు ఫ్యాన్స్‌ సోషల్ మీడియాలో కామెంట్స్‌ చేస్తున్నారు. ఇక హరిహర వీరమల్లు కూడా 17వ శతాబ్దం నాటి మొఘలాయిలు, కుతుబ్‌ షాహీల శకం నేపథ్యంలో సాగే చిత్రమే కావడం వల్ల అభిమానుల వాదనకు బలం చేకూర్చినట్లు అయింది.

మరోవైపు, ఈ డైలాగ్​తో చాలా రోజుల తర్వాత ఈ సినిమా పేరు సోషల్‌ మీడియాలో మార్మోగుతోంది. ఎందుకంటే గత కొద్ది రోజులుగా ఈ సినిమా గురించి ఎలాంటి అప్డేట్ ఇవ్వలేదు చిత్ర బృందం. ఇదిలా ఉండగా.. హరిహర వీరమల్లు చిత్రాన్ని ప్రముఖ ప్రొడ్యూసర్ ఏఎమ్ రత్నం నిర్మిస్తున్నారు. గతంలో ఈ సినిమాపై స్పందించిన నిర్మాత.. హరిహర వీరమల్లు భిన్నంగా ఉంటుందని.. చిత్రీకరణకు చాలా సమయం పడుతుందని అన్నారు.