Bhagvant Kesari Movie New song : నందమూరి నటసింహం బాలకృష్ణ- దర్శకుడు అనిల్ రావిపూడి కాంబినేషన్‌లో వచ్చిన భగవంత్ కేసరి.. బాక్సాఫీస్ వద్ద దూసుకెళ్తోంది. దసరా విన్నర్గా బ్లాక్ బాస్టర్ టాక్తో మంచి వసూళ్లను అందుకుంటోంది. దీంతో మూవీటీమ్.. సక్సెస్ మీట్ను హైదరాబాద్‌లో నిర్వహించింది. అలాగే ఈ సినిమా కోసం థియేటర్లకు వచ్చే ప్రేక్షకులకు ఓ సర్ప్రైజ్ ప్లాన్ కూడా చేసింది.
మూవీలో ఓ సాంగ్ను అదనంగా యాడ్ చేయబోతున్నట్లు చెప్పింది. ఈ విషయాన్ని బాలకృష్ణనే స్వయంగా అనౌన్స్ చేశారు. సక్సెస్ మీట్లో బాలయ్య మాట్లాడుతూ.. సినీ ప్రియులకు ఈ గుడ్ న్యూస్ గురించి తెలిపారు. "ఓ సాంగ్ను రెడీ చేశాము. ఆడియెన్స్ను అట్రాక్ట్ చేసేందుకు మాకు అదనంగా జోడించాల్సిన అవసరం లేదు. ఎందుకంటే ఈ చిత్రం ఇప్పటికే మంచి సక్సెస్ సాధించింది. నాలుగున్నార నిమిషాల నిడివి ఉన్న ఈ సాంగ్ను 50-60 మంది డ్యాన్సర్లతో తెరకెక్కించాం. ఇప్పుడు దీన్ని యాడ్ చేయబోతున్నాం" అని బాలయ్య అన్నారు.
బాలయ్య ఇంకా మాట్లాడుతూ.. "భగవంత్ కేసరి లాంటి సోషల్ మెసేజ్ సినిమాలో నటించడం ఎంతో ఆనందంగా ఉంది. దేశం మొత్తం ఈ సినిమా గురించి చర్చించుకుంటోంది. అనిల్ రావిపూడి పాయింట్ చెప్పగానే నాకు ఎంతో నచ్చింది. ఆ తర్వాత ఇద్దరం కలిసి కొన్ని పాయింట్ల గురించి చర్చించుకుని సినిమాను ముందుకు తీసుకెళ్లాం. వసూళ్లు సాధించేవే కమర్షియల్ సినిమాలు కాదు. సోషల్ మెసేజ్ ఇచ్చేవి కూడా కమర్షియల్ సినిమాలు అవుతాయి" అని అన్నారు.
టాలీవుడ్ చిత్ర పరిశ్రమకు దొరికిన ఆణిముత్యం హీరోయిన్ శ్రీలీల అని ప్రశంసించారు బాలకృష్ణ. తనకు దొరికిన అద్భుతమైన పాత్రలో చాలా అద్భుతంగా నటించిందని అన్నారు. ఎంత ఎదిగినా ఒదిగి ఉండాలనే మనస్తత్వం దర్శకుడు అనిల్ రావిపూడిదని పేర్కొన్నారు. అందరి నుంచి చక్కని నటనను ఆయన లాక్కున్నారని వెల్లడించారు. ప్రతి మహిళకు ఓ సైనికుడిని ఇవ్వలేమని చెప్పిన బాలయ్య.. మహిళలు ఎవరికి వారే ఓ సైనికుడిలా సిద్ధం అవ్వాలని సూచించారు. ఇంకా ఈ విజయోత్సవ కార్యక్రమంలో నిర్మాత దిల్‌ రాజు, దర్శకురాలు నందిని రెడ్డి సహా తదితరులు చీఫ్ గెస్టులుగా హాజరై సందడి చేశారు.
- " class="align-text-top noRightClick twitterSection" data="">
Bhagvant Kesari Sequel : 'భగవంత్ కేసరి' సీక్వెల్‌.. క్లారిటీ ఇచ్చిన దర్శకుడు అనిల్ రావిపూడి
