Big boss Bhagvant Kesari : నందమూరి నటసింహ బాలకృష్ణ - అనిల్ రావిపూడి కాంబినేషన్లో వస్తున్న చిత్రం 'భగవంత్ కేసరి'. మరో నాలుగు రోజుల్లో దసరా కానుకగా అక్టోబర్ 19 విడుదల కానుంది. దీంతో చిత్ర యూనిట్ ప్రమోషన్స్లో బిజీగా ఉంది. ఈ నేపథ్యంలో శ్రీలీల, అనిల్ రావిపూడి.. తెలుగు రియల్టీ షో బిగ్ బాస్కు వచ్చి సందడి చేశారు. హౌస్లోని కంటెస్టెంట్స్తో మాట్లాడుతూ ఉన్న ప్రోమోను బిగ్ బాస్ టీమ్ విడుదల చేసింది.
ఈ ప్రోమోలో అమర్దీప్, శ్రీలీలతో పులిహోర కలిపే చేసిన ప్రయత్నాలు.. కంటెస్టెంట్ యావర్ 'మాస్' సినిమాలోని నాగార్జున డైలాగ్లు చెప్పడం చూపించారు. ప్రోమో మొత్తం అనిల్ రావిపూడి, శ్రీలీల.. బిగ్ బాస్ కంటెస్టెంట్లతో ఎంటర్టైన్మెంట్గా సాగింది. ఇంకా సినిమా విషయానికి వస్తే.. 'భగవంత్ కేసిరి'లో శ్రీలీల.. బాలకృష్ణ కూతురిగా, కథానాయికగా కాజోల్ ఆగర్వాల్ నటించారు. 'అఖండ','వీర సింహారెడ్డి' వంటి బ్లాక్ బస్టర్ హిట్స్ తరువాత బాలయ్య బాబు నటిస్తున్న చిత్రం ఇదే కావటం వల్ల భగవంత్ కేసరి పై అభిమానులు భారీ అంచనాలే పెట్టుకున్నారు.
20ఏళ్ల కెరీర్ తొలిసారి.. ఇకపోతే బాలకృష్ణ సినీ కేరిర్లో ఎన్నో హిట్లు, సూపర్ హిట్స్, బ్లాక్ బస్టర్ హిట్స్ చూశారు. కానీ, బాలకృష్ణ గత ఇరవై ఏళ్ల కెరీర్లో లేని విషయం ఏమిటంటే.. ఆయన చిత్రాలు హ్యాట్రిక్ హిట్ అవ్వడం! అయితే ఈ సారి హ్యాట్రిక్ కొట్టే అవకాశం వచ్చింది. ఇప్పటికే 'అఖండ' సూరప్ హిట్గా నిలిచింది. దాని తరవాత వచ్చిన 'వీరసింహా రెడ్డి' కూడా హిట్ టాక్ సొంత చేసుకుంది. ఇప్పుడు భగవంత్ కేసరి విజయం సాధిస్తే.. ఇక బాలకృష్ణ హ్యాట్రిక్ కొట్టినట్టే. బాలయ్య బాబుకు అభిమానులు హ్యాట్రిక్ ఇస్తారో లేదో చూడాలి మరి! ఈ సినిమాలో ప్రముఖ తమిళ నటుడు శరత్ కుమార్ ఓ కీలక పాత్రలో కనిపించనున్నారు. బాలీవుడ్ స్టార్ యాక్టర్ అర్జున్ రాంపాల్.. విలన్గా బాలయ్యతో తలపడనున్నారు. తెలంగాణ యాసలో బాలయ్య చెప్పిన డైలాగ్స్, తన యాక్షన్తో అదరగొట్టేశారు. ఇప్పటికే విడుదలైన ట్రైలర్, సాంగ్స్కు ఆడియెన్స్ నుంచి మంచి రెస్పాన్స్ వచ్చింది.
- " class="align-text-top noRightClick twitterSection" data="">
Bhagavanth Kesari Overseas Booking : 'లియో'ను కాదని.. బాలయ్య మూవీ టికెట్లు కొంటున్న తమిళ ఫ్యాన్స్!
