నటరత్న నందమూరి బాలకృష్ణ హోస్ట్గా చేస్తున్న అన్స్టాపబుల్ టాక్ షో సీజన్-2తో మరోమారు ప్రేక్షకుల ముందుకు వచ్చేందుకు సిద్ధమైంది. భారీ స్థాయిలో ప్రోమో షూట్, అందుకు తగిన రేంజ్లోనే విజయవాడలో రిలీజ్తో అంతకంతకూ ప్రేక్షకుల్లో ఆసక్తిని పెంచుతోంది. రెండో సీజన్లో గెస్ట్లుగా ఎవరు వస్తారు? తొలి ఎపిసోడ్ అతిథి ఎవరు? అనే విషయాలపై సీజన్-1 ముగిసినప్పటి నుంచే చర్చ సాగుతోంది. ఇలాంటి సమయంలో ఓ ఫొటో.. నెట్టింట చర్చనీయాంశమైంది.
ఆహా ఓటీటీలో ప్రసారమయ్యే అన్స్టాపబుల్ సెట్ దగ్గర.. ఆంధ్రప్రదేశ్ మాజీ సీఎం, తెలుగుదేశం అధినేత చంద్రబాబుతో బాలయ్య ఉన్న ఫొటో బయటకు వచ్చింది. దీంతో.. అన్స్టాపబుల్ రెండో సీజన్ చంద్రబాబు ఎపిసోడ్తోనే ప్రారంభం కావచ్చని టాక్ వినిపిస్తోంది. అయితే ఎపిసోడ్ చివర్లో బాలకృష్ణ పెద్ద అల్లుడు, చంద్రబాబు కుమారుడు నారా లోకేశ్ కూడా జాయిన్ అవ్వనున్నారని తెలుస్తోంది.
అన్స్టాపబుల్ సీజన్-1కు తొలి గెస్ట్గా దిగ్గజ నటుడు మోహన్ బాబును ఆహ్వానించారు. ఆ ఎపిసోడ్లో మోహన్ బాబుతో కలిసి బాలయ్య చేసిన హంగామా అంతా ఇంతా కాదు. ఆ తర్వాత వచ్చిన ఎపిసోడ్లలోనూ కుర్ర నటులతో కలిసి అదే స్థాయిలో హడావుడి చేశారు. పెళ్లి విషయంలో రానాను టీజ్ చేసి, నానితో కలిసి క్రికెట్ ఆడి, అల్లు అర్జున్తో కలిసి పుష్ప స్టెప్పులేసి.. సెట్లో దుమ్మురేపారు బాలకృష్ణ. సూపర్స్టార్ మహేశ్ బాబుతో సీజన్-1కు గ్రాండ్ ఫినిషింగ్ ఇచ్చారు.
ఇప్పుడు సీజన్-2లో చంద్రబాబు, లోకేశ్ను బాలయ్య హోస్ట్ చేస్తే.. అన్స్టాపబుల్ షో ఇంకా ఏ రేంజ్లో ఉంటుందా అని అంతా అనుకుంటున్నారు. ఇంతకుముందు వచ్చిన గెస్ట్లతో పోల్చితే చంద్రబాబు, లోకేశ్ పూర్తిగా భిన్నం. సినీ పరిశ్రమతో పెద్దగా సంబంధం లేని రాజకీయ నేతలు. బాలయ్యకు చంద్రబాబు స్వయానా బావ.. లోకేశ్ తన ఇంటి పెద్ద అల్లుడు. అయితే వీరి సంభాషణ ఎలా ఉంటుంది, చంద్రబాబు, లోకేశ్తో బాలయ్య ఎలాంటి టాస్క్లు చేయిస్తారు అనేది ఆసక్తికరంగా మారింది.
