Baby Movie OTT : అంచనాలు లేకుండా వచ్చి బాక్సీఫీస్ వద్ద కలెక్షన్ల సునామీ సృష్టించింది 'బేబీ' మూవీ. ఈ సినిమా త్వరలోనే ఓటీటీలో విడుదల కానుంది. ఇప్పుడు ఈ సినిమాపై మరో బజ్ క్రియేట్ అయ్యింది. సుమారు 3 గంటల నిడివి కలిగిన ఈ సినిమా.. ఓటీటీలో మాత్రం 4 గంటల రన్టైమ్తో రానుందట. అయితే తాజాగా మరో పాట సహా.. కొన్ని సన్నివేశాలను సినిమాలో చేర్చనున్నారని సమాచారం.
కాగా ఇందులో హీరోయిన్ వైష్ణవి చైతన్య, నటుడు విరాజ్ మధ్య ఎక్కువ సీన్స్ ఉండనున్నట్లు తెలుస్తోంది. హీరో ఆనంద్ దేవరకొండకు సంబంధించి కొన్ని ఎమోషనల్ సన్నివేశాలు కూడా ఉంటాయట. అయితే ఇవన్నీ సాధ్యమైతే ఓటీటీలోకి 'బేబీ' నాలుగు గంటల రన్టైమ్తో సందడి చేయనుంది.
ఇక కల్ట్ లవ్ స్టోరీగా జులై 14న థియేటర్లలో రిలీజైన 'బేబీ'.. యూత్ను బాగా ఆకట్టుకుంది. ట్రయాంగిల్ లవ్స్టోరీగా వచ్చిన ఈ సినిమాలో ఆనంద్ దేవరకొండ-వైష్ణవి, చైతన్య- విరాజ్ అశ్విన్‌ తమ నటనతో ప్రేక్షకుల్ని ఆకట్టుకున్నారు. మరీ ముఖ్యంగా హీరోయిన్ వైష్ణవి చైతన్య పాత్ర అందరికి బాగా కనెక్ట్ అయింది.
చిన్న సినిమాగా విడుదలయ్యి.. ఎందరో ప్రముఖ నటుల నుంచి ప్రసంశలు అందుకుంది 'బేబీ' సినిమా. థియేటర్లలో సక్సెస్ఫుల్గా రన్ అవుతూ.. ఇప్పటికే సుమారు రూ. 80 కోట్ల గ్రాస్ అందుకుంది. కాగా మూవీమేకర్స్.. రీసెంట్గా ఈ సినిమా సక్సెస్మీట్ను హైదరాబాద్లో గ్రాండ్గా నిర్వహించారు. ఈ వేడుకకు టాలీవుడ్ మెగాస్టార్ చిరంజీవి ముఖ్య అతిథిగా హాజరయ్యారు. 'హృదయ కాలేయం', 'కొబ్బరి మట్ట' ఫేమ్ సాయి రాజేష్ నీలం ఈసినిమాకు దర్శకత్వం వహించారు. శ్రీనివాస కుమార్ నాయుడు(ఎస్కేఎన్) నిర్మాతగా వ్యవహరించారు.
తొలి సినిమాతోనే సక్సెస్.. హీరోయిన్గా తెలుగమ్మాయి తన అందం, నటనతో ప్రేక్షకులను ఆకట్టుకుంది. ఈ సినిమాలో నెగిటీవ్ పాత్రలో కనిపించి ఆడియెన్స్ను మెప్పించింది వైష్ణవి. ఇక ఈ సినిమా సక్సెస్తో మరిన్ని సినిమాల్లో ఛాన్స్లు కొట్టేసిందట ఈ అమ్మడు. తొసి సినిమా ప్రొడ్యూసరే మరో మూడు చిత్రాల్లో నటించే ఆఫర్ ఇచ్చారట. గీతా ఆర్ట్స్ బ్యానర్లో కూడా మరో సినిమా చేయనుందని టాక్ వినిపిస్తోంది.
