దిగ్గజ దర్శకుడు జేమ్స్ కామెరూన్ అద్భుత సృష్టి 'అవతార్'. 2009లో రిలీజైన సినిమా అప్పట్లో సంచలనాలు సృష్టించగా.. 2022లో వచ్చిన పార్ట్ 2 'ది వే ఆఫ్ వాటర్' సరికొత్త రికార్డులను క్రియేట్ చేస్తోంది. ప్రపంచ వ్యాప్తంగా 2 బిలియన్ డాలర్ల మార్కును అందుకున్న ఈ చిత్రం మరిన్ని రికార్డులను అధిగమించే దిశగా దూసుకెళ్తోంది. తాజాగా ఈ చిత్రం ప్రముఖ మార్వెల్ సినిమా 'అవెంజర్స్ ఇన్ఫినిటీ వార్', 'స్పైడర్ మ్యాన్ నో వే హోమ్' రికార్డులను బ్రేక్ చేసింది.
2022 డిసంబర్లో రిలీజైన 'అవతార్ 2' గ్లోబల్ బాక్సాఫీస్ ముందు 2.054 బిలియన్ డాలర్లను వసూలు చేసింది. అలా 2018లో విడుదలైన 'ఇన్ఫినిటీ వార్' (2.052 బిలియన్ డాలర్లు), 'స్పైడర్ మ్యాన్ నో వే హోమ్'(1.92 బిలియన్ డాలర్లు) రికార్డులను అధిగమించింది. ఈ మార్క్తో ప్రపంచంలోనే అత్యథిక గ్రాసింగ్ మూవీస్ లిస్ట్లో టాప్-5లో చోటు దక్కించుకుని ఐదో స్థానంలో నిలిచింది.
మరో వైపు ఈ సినిమా ఒక్క అమెరికాలోనే 603 మిలియన్ డాలర్లను సాధించగా.. అంతర్జాతీయ స్థాయిలో 1.5 బిలియన్ డాలర్లను కలెక్ట్ చేసింది. దీంతో సినిమా చరిత్రలో అత్యధిక వసూళ్లను సాధించిన నాలుగో చిత్రంగానూ నిలిచింది. గ్లోబల్ బాక్సాఫీస్ ముందు 2 బిలియన్ డాలర్ల మార్కును అందుకున్న ఆరో చిత్రంగానూ 'ది వే ఆఫ్ వాటర్' గుర్తింపు తెచ్చుకుంది. అది కూడా విడుదలైన ఆరు వారాల్లోనే ఈ ఘనత సాధించడం విశేషం.
