AshokaVanamlo Arjuna Kalayanam Trailer Date: విశ్వక్సేన్ హీరోగా నటించిన రొమాంటిక్‌ ఎంటర్‌టైనర్‌ 'అశోకవనంలో అర్జున కల్యాణం'. 'మే 6న కొత్త మహుర్తం' అంటూ సినిమా రిలీజ్ డేట్ను చిత్ర బృందం ఖరారు చేసింది. తాజాగా ఈ చిత్రానికి సంబంధించి మరో అప్డేట్ను విడుదల చేసింది. ఏప్రిల్ 20 తేదీ సాయంత్రం 4.05 గంటలకు ట్రైలర్ను రిలీజ్ చేయబోతున్నట్లు ప్రకటించింది. విద్యాసాగర్‌ చింత దర్శకత్వం వహించిన ఈ చిత్రంలో రుక్సర్‌ థిల్లాన్‌ కథానాయిక. బాపినీడు, సుధీర్‌ ఈదర నిర్మించిన ఈ సినిమాను బి.వి.ఎస్‌.ఎన్‌. ప్రసాద్‌ సమర్పిస్తున్నారు.
Hindi Hit Movie New Update: విశ్వక్సేన్ హీరోగా శైలేష్ కొల‌ను దర్శకత్వంలో రూపొందిన చిత్రం 'హిట్'. క్రైమ్ థ్రిల్ల‌ర్‌గా రూపొందిన ఈ చిత్రం తెలుగులో మంచి విజ‌యాన్ని సాధించడమే కాదు.. విమర్శకుల ప్రశంసలు సైతం పొందింది. ఇక ఈ చిత్రం హిందీ రీమేక్లో రాజ్కుమార్ రావ్, సన్యా మల్హోత్రా హీరోహీరోయిన్లుగా నటించారు. ఒరిజినల్ను తీసిన శైలేష్ కుమార్.. రీమేక్కూ దర్శకత్వం వహించారు. దిల్రాజు, టి-సిరీస్ భూషణ్ కుమార్ సంయుక్తంగా నిర్మించారు. తాజాగా, ఈ సినిమా షూటింగ్ను పూర్తి చేసుకున్నట్లు చిత్రబృందం తెలిపింది. కేక్ కట్ చేసి సంబరాలు జరుపుకుంది.
Karan Arjun Movie First Look: కేవలం మూడే పాత్రలతో ఆద్యంతం ఉత్కంఠ భరితంగా సాగే కథాంశంతో త్వరలో ప్రేక్షకుల ముందుకు రాబోతున్న చిత్రం 'కరణ్ అర్జున్'. రోడ్ థ్రిల్లర్ నేపథ్యంగా మోహన్ శ్రీవత్స దర్శకత్వం వహించిన ఈ సినిమా ఫస్ట్లుక్ను ప్రముఖ దర్శకుడు పరశురాం ఆవిష్కరించారు. కరణ్ అర్జున్ కథాంశం చాలా కొత్తగా ఉందని, ఈ రోజుల్లో ప్రేక్షకులను అమితంగా ఆకట్టుకునే సినిమాగా ఉండబోతుందని తెలిపారు. రెడ్ రోడ్ థ్రిల్లర్స్ పతాకంపై నిర్మించిన ఈ చిత్రం ద్వారా అభిమన్యు, నిఖిల్ కుమార్, షిఫా తెలుగు తెరకు పరిచయం అవుతున్నారు.
Boot Cut Balaraju Glimpse: బిగ్బాస్ రియాల్టీ షో ద్వారా విశేష గుర్తింపు తెచ్చుకున్న యువ నటుడు సోహెల్ వరుస సినిమాలతో దూసుకెళ్తున్నాడు. ఇప్పటికే సోహెల్ నటించిన మిస్టర్ ప్రెగ్నెంట్ విడుదల కావల్సి ఉండగా.. తాజాగా రాజేంద్రప్రసాద్తో కలిసి ఎస్వీ కృష్ణారెడ్డి దర్శకత్వంలో ఆర్గానిక్ మామ-హైబ్రిడ్ అల్లుడు చిత్రంలో కథానాయకుడిగా నటిస్తున్నాడు. అలాగే లక్కీ మీడియా పతాకంపై బెక్కం వేణుగోపాల్ నిర్మాతగా శ్రీకోనేటి దర్శకత్వం వహించిన 'బూట్ కట్ బాలరాజు' చిత్రాన్ని పూర్తిచేశాడు. సోహెల్ పుట్టినరోజును పురస్కరించుకొని ఆ చిత్ర బృందం 'బూట్ కట్ బాలరాజు' గ్లిమ్స్ను విడుదల చేసింది. ఆద్యంతం ఆసక్తికరంగా సాగే గ్లిమ్స్లో పూర్తిగా తెలంగాణ యాసలో సాగే సోహెల్ సంభాషణలు, నటన ఆకట్టుకుంటోంది.
- " class="align-text-top noRightClick twitterSection" data="">
ఇవీ చదవండి: రిలీజ్ డేట్తో నాగశౌర్య.. 'అంటే సుందరానికి!' అప్డేట్
