2022లో వచ్చిన 'ది ఘోస్ట్‌' చిత్రంలో నాగార్జునకు మేనకోడలిగా మెరిసిన బాల నటి అనిఖా సురేంద్రన్ ఇప్పుడు 'బుట్టబొమ్మ'తో హీరోయిన్గా తెరంగేట్రం చేయనున్న సంగతి తెలిసిందే. ప్రముఖ నిర్మాణ సంస్థలు సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ సంయుక్తంగా నిర్మించిన చిత్రంలో సూర్య వశిష్ఠ సరసన నటించింది. ఇప్పటికే వచ్చిన టీజర్కు మంచి రెస్పాన్స్ రాగా శనివారం మూవీకి సంబంధించిన ట్రైలర్ రిలీజయ్యింది.
ఫోనులో పరిచయమైన ఓ అబ్బాయితో మాట్లాడే అనిఖా ఆ తర్వాత అతనితో ప్రేమలో పడుతుంది. ఆ తర్వాత వీరిద్దరూ కలిసి తిరగడాన్ని చూసిన అర్జున్ దాస్ వారి వెంట పడతాడు. అతని నుంచి తప్పించుకోవాలని ఇంటి నుంచి పారిపోయిన వారిద్దరికి ఏమైందనే కోణంలో ట్రైలర్ ఆద్యంతం కొనసాగింది. ఇక సినిమా విషయానికొస్తే శౌరి చంద్రశేఖర్‌ రమేష్‌ తెరకెక్కించిన ఈ సినిమాలో అనిఖాతో పాటు అర్జున్ దాస్, సూర్యవశిష్ఠ కీలక పాత్రలు పోషించారు. షూటింగ్ పూర్తి చేసుకున్న ఈ సినిమా జనవరి 26న విడుదల కానుంది.
- " class="align-text-top noRightClick twitterSection" data="">
