Baby movie collections : కల్ట్ లవ్ స్టోరీ 'బేబీ' విడుదలై పది రోజులవుతున్నా ఇంకా సక్సెస్ఫుల్గా రన్ అవుతూనే ఉంది. చిన్న చిత్రంగా రిలీజైన ఈ ఫీల్‌గుడ్‌ మూవీ.. యూత్ ఆడియెన్స్తో పాటు మిగతా వర్గాలను కూడా బాగా ఆకట్టుకుంటోంది. బాక్సాఫీస్ వద్ద రెండో వారంలోనూ ఊహించని రేంజ్లో వసూళ్లను నమోదు చేస్తోంది.
Baby overseas collections : ఓవర్సీస్లోనూ థియేటర్లు హౌస్ ఫుల్ బోర్డులతో నిండిపోతున్నాయట. సినిమా బ్లాక్ బస్టర్ టాక్తో దూసుకుపోతోంది. నార్త్ అమెరికాలో ఈ చిత్రం బ్రేక్ ఈవెన్ టార్గెట్ను దాటేసి మరిన్ని వసూళ్లను అందుకునే దిశగా దూసుకెళ్తోంది. బ్రేక్ ఈవెన్ టార్గెట్ 400K డాలర్స్... ఇప్పటికే చిత్రం దాన్ని అధిగమించి 538K డాలర్స్ను వసూలు చేసిందట. మొదటి వారం ఈ చిత్రం 348K డాలర్లను అందుకుందని తెలిసింది. ఆ తర్వాత కాస్త జోరు తగ్గినా మళ్లీ పుంజుకుని రెండో వారంలో మరో 190K డాలర్లను వసూలు చేసిందట. మొత్తంగా ఓవర్సీస్లోని అన్ని సెంటర్స్లో ఈ చిత్ర బ్లాక్ బాస్టర్ హిట్ టాక్తో దూసుకెళ్తోంది.
తెలుగురాష్ట్రాల్లోనూ అన్ని సెంటర్లలో.. తెలుగు రాష్ట్రాల్లోనూ ఈ సినిమా ఊహించని రేంజ్లో వసూళ్లు చేస్తోంది. ఈ చిత్రం ఇప్పటివరకు 10 రోజుల్లో సుమారు రూ.66.6 కోట్ల గ్రాస్‌ వసూళ్లను అందుకున్నట్లు తెలిసింది. రీసెంట్గా మూవీటీమ్ కూడా ఈ విషయాన్ని తెలిపింది. ఆంధ్ర, తెలంగాణ ఏ,బీ,సీ అన్నీ సెంటర్స్లో సినిమా మంచిగా ఆడుతోంది. అయితే ఏ సెంటర్తో పోలిస్తే బీ, సీ సెంటర్స్లో ప్రేక్షకుల్లో ఎక్కువ స్థాయిలో వస్తున్నారట.
ఇకపోతే ట్రయాంగిల్ లవ్స్టోరీగా వచ్చిన ఈ సినిమాలో ఆనంద్ దేవరకొండ-వైష్ణవి చైతన్య- విరాజ్ అశ్విన్‌ కలిసి నటించారు. తమ నటనతో ప్రేక్షకుల్ని ఫిదా చేశారు. ముఖ్యంగా వైష్ణవి చైతన్య పాత్ర అందరికీ బాగా కనెక్ట్ అయింది. ఇక ఈ చిత్రానికి 'హృదయ కాలేయం', 'కొబ్బరి మట్ట' ఫేమ్ సాయి రాజేష్ నీలం డైరెక్ట్ చేశారు. శ్రీనివాస కుమార్ నాయుడు(ఎస్కేఎన్) నిర్మాతగా వ్యవహరించారు.
ఇదీ చూడండి :
హీరోలను మోసం చేసిన హీరోయిన్లు వీళ్లే.. 'రమ్యకృష్ణ' టు 'వైష్ణవి'.. లిస్ట్లో ఇంకా ఎవరంటే?
'RX 100', 'బేబీ'లే కాదు గురూ.. గోల్డెన్ హార్ట్ బ్యూటీలు ఉన్నారు... ఇక్కడ లుక్కేయండి!
