ఐకాన్ స్టార్ అల్లు అర్జున్ పుట్టినరోజు సందర్భంగా ఒకరోజు ముందుగానే 'పుష్ప: ది రూల్' మూవీటీమ్ అదిరిపోయే ట్రీట్ ఇచ్చింది. మూడు నిమిషాలకు పైగా నిడివి ఉన్న 'వేరీజ్ పుష్ప' టీజర్ను రిలీజ్ చేసింది. అది ఇప్పుడు ఇండియా మొత్తం సెన్సేషన్గా మారిపోయింది. ఈ వీడియో అన్ని భాషల్లో మిలియన్ల వ్యూస్తో దూసుకుపోతోంది. అదిరిపోయే క్రేజ్ను సొంతం చేసుకుంది. ఇది చూసిన సినీ ప్రియులు, అభిమానులు.. టీజర్ అదిరిపోయిందంటూ సోషల్మీడియాలో రచ్చ రచ్చ చేస్తున్నారు. ఇండియన్ సినిమాలో నెక్స్ట్ బిగ్గెస్ట్ సెన్సేషన్ 'పుష్ప 2'నే అని అంటున్నారు.
మొత్తంగా ఈ పుష్ప 2 టీజర్, ఫస్ట్ లుక్, టైటిల్ లోగో.. ఇలా అన్నీ సినిమాపై అంతకుమించి అంచనాలను, అలానే అనుమానాలను పెంచేశాయి. అయితే ఈ వీడియో మొత్తం అల్లు అర్జున్ ఎక్కడ ఉన్నాడంటూ అనే పాయింట్తోనే సాగింది. చివర్లో.. జైలు నుంచి తప్పించుకున్న పుష్ప రాజ్ ఓ అడవీ ప్రాంతంలో తలదాచుకుంటున్నట్లు చూపిస్తారు. నైట్ విజన్ కెమెరాలో పులి పక్కన నుంచి నడుచుకుంటూ వెళ్లే పుష్పను చూపించారు. అయితే అక్కడ అతడు తన మార్క్ స్టైల్లో గడ్డం నిమురుకుంటూ తగ్గేదే లే అంటూ కనపడతాడు. ఆ సమయంలో అతడి చిటికెన వేలు గోరు మాత్రం నైల్ పాలిష్తో బారుగా కనిపిస్తోంది. ఇదే ప్రతిఒక్కరి మెదడులో అనుమానాన్ని రేపుతోంది. దీన్ని చూసిన వారందరూ అదొక్కటే ఎందుకు స్పెషల్గా చూపించారు అంటా తెగ ఆలోచిస్తున్నారు. దాని గురించే చర్చిస్తున్నారు. మరోవైపు ఈ వీడియోతో పాటు ఫస్ట్ లుక్ పోస్టర్ను కూడా రిలీజ్ చేశారు. ఇందులో పుష్ప రాజ్.. శత్రువులను చంపేందుకు మారువేషంలో అమ్మోరులా చూపించారు. ఎవరూ ఊహించని ఈ లుక్లో అల్లు అర్జున్ ఎంతో పవర్ఫుల్గా కనిపించారు.
అలా ఈ రెండు విషయాల వల్ల పుష్ప ఈ సినిమాలో మారువేషాల్లో ఉంటూ శత్రువులను వేటాడం, అలా పోలీసుల కళ్లు కప్పి తప్పించుకుంటాడని భావిస్తున్నారు. ఇందులో భాగంగా హిజ్రా గెటప్ కూడా వేసి ఉంటాడని, అందుకే ఆ నైల్ పాలిష్ గోరు ఉందని అనుకుంటున్నారు. ఏదేమైనప్పటికీ దర్శకుడు సుకుమార్ చిటికెన వేలు గోరుతో.. మంచి సస్పెన్స్ క్రియేట్ చేశారు.
డ్రాగన్ లోగో.. ఇంకా ఈ టీజర్ పుష్ప.. చైనా, జపాన్, మలేషియా దేశాలకు పారిపోయాడా అని కూడా అంటుంటారు. అయితే 'పుష్ప' ఫస్ట్ పార్ట్లో.. చైనా, జపాన్ ప్రస్తావన కూడా ఉంటుంది. స్మగ్లింగ్ ఎర్ర చందనాన్ని అక్కడికే తరలిస్తుంటారు. కాబట్టి 'పుష్ప 2' టైటిల్ లోగో గమనిస్తే.. అందులో గ్రీన్ కలర్లో డ్రాగన్ తరహా డిజైన్ కనిపిస్తుంది. డ్రాగన్ అంటే చైనా అని అర్థమస్తుంది. కాబట్టి కథ చైనాలో కూడా సాగే అవకాశాలు ఉన్నాయి. దీంతో ఈ సినిమా కేవలం పాన్ ఇండియా మాత్రమే.. పాన్ వరల్డ్గా తీర్చిదిద్దేందుకు సుకుమార్ గట్టిగానే ప్లాన్ చేశారు.
- " class="align-text-top noRightClick twitterSection" data="">
ఇదీ చూడండి: RGVతో ఉన్న ఈ బ్యూటీ భలే ఉందిగా.. ఎవరో తెలుసా?
