'పుష్ప' సినిమాతో ఐకాన్ స్టార్ అల్లు అర్జున్కు పాన్ ఇండియా వైడ్గా ఫాలోయింగ్ పెరిగిపోయింది. ఈ సినిమా రాకముందు వరకు దక్షిణాది ఆడియెన్స్ మాత్రమే ఆయన సినిమా లేటెస్ట్ అప్డేట్స్ కోసం ఆసక్తిగా ఎదురుచూసేవారు. కానీ ఇప్పుడు అంతా సీన్ మారిపోయింది. ఆయన మూవీ అప్డేట్స్ కోసం సౌత్ టు నార్త్.. ఆల్ ఓవర్ ఇండియాలోని ప్రతి ఒక్క సినీ అభిమాని ఎదురుచూస్తున్నారు!
ముఖ్యంగా 'పుష్ప ద రైజ్' సినిమా సంచలనం సాధించడం వల్ల.. అభిమానులు ఈ చిత్రం సీక్వెల్ కోసం ఎంతగానో వెయిట్ చేస్తున్నారు. అప్డేట్స్ కావాలంటూ తెగ ఆరాటపడుతున్నారు. దీంతో ఈ చిత్రాన్ని మరింత గ్రాండ్గా తెరకెక్కిస్తున్నారు దర్శకుడు సుకుమార్. ప్రొడక్షన్ హౌస్ 'మైత్రి మూవీ మేకర్స్' కూడా.. బడ్జెట్ విషయంలో రాజీ పడకుండా నిర్మాణ విలువలతో ఈ సినిమాను ప్రతిష్టాత్మకంగా నిర్మిస్తోంది. అలానే అల్లు అర్జున్ కూడా ఈ సీక్వెల్తో 'పుష్ప' కన్నా హై రేంజ్లో గ్రాండ్ హిట్ అందుకోవాలని.. పాన్ వరల్డ్ వైడ్గా తన క్రేజ్ను పెంచుకోవాలని కష్టపడుతున్నారు. సినిమాలోని మిగతా నటీనటులు సైతం ఇదే తరహాలో కృషి చేస్తున్నారు.
అయితే ఎట్టకేలకు 'పుష్ప' మూవీ టీమ్ అభిమానుల కోసం తాజాగా ఓ అదిరిపోయే అప్డేట్ ఇచ్చింది. సినిమాకు సంబంధించిన ఓ షార్ట్ వీడియోను రిలీజ్ చేసింది మూవీ టీమ్. 'ద హంట్ బిఫోర్ ది రూల్..రివీల్ ఆన్ ఏప్రిల్ 7, 4.05pm అంటూ క్యాఫ్షన్ను జోడించింది. ఈ వీడియో తిరుపతి జైలు నుంచి బుల్లెట్ గాయాలతో తప్పించుకున్న పుష్ప ఇప్పుడు ఎక్కడున్నాడన్న పశ్న చుట్టూ తిరుగుతోంది. ఆయన కోసం ఓ వైపు పోలీసులు గాలింపు చర్యలు చేపడుతున్న సమయంలో.. మరో వైపు ఊరి వాళ్లు నిరసనలు చేస్తున్నట్లు ఇందులో చూడొచ్చు. మరి పుష్ప ఎక్కడికి వెళ్లాడు? ఎందుకు పారిపోయాడు? ఈ విషయాలు తెలియాలంటే ఏప్రిల్ 7 వరకు వేచి చూడాల్సిందే.
ఇప్పుడు సినీ వర్గాల్లో మరో వార్త చక్కర్లు కొడుతోంది. ఈ సినిమాలో బాలీవుడ్ స్టార్ హీరో అక్షయ్కుమార్ భాగం కానున్నారట. ఆయన ఈ చిత్రంలో అతిథి పాత్ర పోషిస్తున్నారట. ఓ యాక్షన్ సీక్వెన్స్తో ఆయన ఎంట్రీ ఉంటుందట. ప్రస్తుతం పుష్ప-2 షూటింగ్ శరవేగంగా జరుగుతోంది. 2023 చివర్లో లేదా 2024లో ఈ మూవీ విడుదల కానుంది.
