NC 22 Movie Glimpses: కొత్తదనంతో కూడిన కథాంశాలతో ప్రేక్షకులను పలకరించే హీరోల్లో ముందు వరుసలో ఉంటారు అక్కినేని నాగచైతన్య. ఈ యంగ్ హీరో నటిస్తున్న తాజా చిత్రం 'కస్టడీ'. వెంకట్ ప్రభు డైరెక్షన్‌లో 'NC 22'గా తెలుగు, త‌మిళ భాష‌ల్లో తెరకెక్కుతోంది.
నూతన సంవత్సర కానుకగా 'కస్టడీ' క్రేజీ అప్డేట్ అందించారు మేకర్స్. గ్లింప్స్ వీడియోను మేకర్స్ లాంఛ్ చేశారు. ఛేజింగ్, యాక్షన్ సన్నివేశాలతో సాగుతున్న గ్లింప్స్ వీడియో నెట్టింట హల్చల్ చేస్తోంది. ఈ చిత్రంలో కృతిశెట్టి మరోసారి నాగచైతన్యకు జోడీగా నటిస్తోంది. ఈ చిత్రంలో పోలీస్ ఆఫీసర్‌గా నాగచైతన్య కనిపించనున్నారు. కస్టడీ మూవీలో అరవింద్‌ స్వామి విలన్‌గా నటిస్తుండగా.. వెన్నెల కిశోర్‌, శరత్‌కుమార్‌, ప్రేమ్‌గీ అమ‌రేన్‌, సంప‌త్ రాజ్, ప్రియమణి కీలక పాత్రల్లో నటిస్తున్నారు.
- " class="align-text-top noRightClick twitterSection" data="">
Akhil Agent Update: మరో అక్కినేని హీరో అఖిల్ నటిస్తున్న 'ఏజెంట్' సినిమా అప్డేట్ను కూడా మేకర్స్ విడుదల చేశారు. రాత్రి పూట షూటింగ్‌కు సంబంధించిన మేకింగ్ వీడియోను రిలీజ్ చేశారు. హైవోల్టేజ్ యాక్షన్ సన్నివేశాలను ఇటీవలే పూర్తి చేసినట్టు తెలియజేశారు. అఖిల్ చాలా స్టైలిష్‌గా.. గ్లింప్స్ వీడియోలో కనిపిస్తున్నారు.
ఏజెంట్ ఈ ఏడాది సమ్మర్‌ కానుకగా థియేటర్లలో గ్రాండ్‌గా విడుదల కానుంది. స్పై థ్రిల్లర్‌గా తెరకెక్కుతున్న 'ఏజెంట్'లో మలయాళ స్టార్ హీరో మమ్ముట్టి కీలక పాత్రలో నటిస్తున్నారు. వక్కంతం వంశీ కథ అందిస్తున్న ఈ చిత్రాన్ని ఏకే ఎంటర్‌టైన్‌మెంట్స్, సురేందర్‌-2 సినిమా బ్యానర్లపై సంయుక్తంగా తెరకెక్కిస్తున్నారు.
- " class="align-text-top noRightClick twitterSection" data="">
