ఈ సారి హీరోల తమ్ముళ్ల సందడి.. హిట్ దక్కేదెవరికో? - బెల్లంకొండ గణేశ్ నేను స్టూడెంట్ సార్ రిలీజ్ డేట్

వచ్చే వారం ఇద్దరు కుర్ర హీరోలు బాక్సాఫీస్ వద్ద తమ అదృష్టాన్ని పరీక్షించుకోబోతున్నారు. వీరిద్దరు.. ఇద్దరు హీరోల తమ్ముళ్లు కావడం విశేషం. ఆ వివరాలు..

ఈ సారి హీరోల తమ్ముళ్ల సందడి.. హిట్ దక్కేదెవరికో?

Published : May 27, 2023, 9:48 PM IST

Updated : May 27, 2023, 10:02 PM IST

ప్రస్తుతం వేసవి బాక్సాఫీస్ జోరు కాస్త నెమ్మదిగా నడుస్తోంది. సినిమాలేమి అంతగా ఆకట్టుకోలేదు. కేవలం 'బిచ్చగాడు 2', '2018' వంటి డబ్బింగ్ సినిమాలు మాత్రమే మంచి వసూళ్లను అందుకున్నాయి. అయితే వచ్చే వారం బాక్సాఫీస్ ముందు ఇద్దరు కుర్ర హీరోలు తమ సినిమాలతో ఆడియెన్స్ ముందుకు రాబోతున్నారు. దగ్గుబాటి అభిరామ్ హీరోగా పరిచయమవుతున్న 'అహింస'తో పాటు, 'స్వాతిముత్యం' ఫేమ్ బెల్లంకొండ గణేష్ హీరోగా తెరకెక్కిన 'నేను స్టూడెంట్ సర్' థియేటర్స్లో సందడి చేయనున్నాయి. వీరిద్దిరలో ఒకరు నటుడు దగ్గుబాటి రానా తమ్ముడు కాగా.. మరొకరు బెల్లంకొండ శ్రీనివాస్ తమ్ముడు. ఇలా ఇద్దరు హీరోల తమ్ముళ్లు ఒకే రోజు.. డిఫరెంట్ కాన్సెప్ట్ మూవీస్ తో బాక్సాఫీస్ బరిలో దిగి పోటీ పడబోతున్నారు.

నిజానికి ఈ ఇద్దరు కుర్ర హీరోల సినిమాలు అన్నీ అనుకున్నట్టు జరిగితే ఇప్పటికే రిలీజ్ అవ్వాలి. కానీ అనుకోని కారణాల వల్ల వాయిదా పడి.. జూన్ 2న విడుదలకు సిద్ధమయ్యాయి. సరైన సమయం చూసుకుని ఈ రెండు చిత్రాలను రిలీజ్ చేస్తున్నారు మేకర్స్. వచ్చే శుక్రవారం జూన్ 2న తెలంగాణ రాష్ట్ర ఆవిర్భావ దినోత్సవం. ఈ సందర్భంగా గవర్నమెంట్ హాలీడే ఉంటుంది. మరి ఈ సెలవు ఈ ఇద్దరు కుర్ర హీరోలకి కాస్త కలిసి వస్తుందో లేదో చూడాలి.

" class="align-text-top noRightClick twitterSection" data="">

ఇకపోతే వాస్తవానికి మొదటి రోజు ఫస్ట్ షోకు ఎలాగో తక్కువ మందే వస్తారు! ఎందుకంటే.. కొత్త హీరోలు. ట్రైలర్స్ అంత స్పెషల్గా ఏమీ లేవు. రొటీన్ గానే ఉన్నాయి. కాబట్టి ఈ హీరోలు.. మొదటి ఆటకు ఆడియెన్స్ను రప్పించలేరు. కాబట్టి టాక్ మీదే రిజల్ట్ ఆధరపడి ఉంటుంది. ఫస్ట్ షో కాస్త హిట్ టాక్ తెచ్చుకున్నా.... సెలవు రోజైన నేపథ్యంలో మ్యాట్నీ నుంచి లైట్గా కలెక్షన్స్ పెరిగే ఛాన్స్లు ఉంటాయి. లేదంటే రెండో రోజు నుంచి అయినా పెరగొచ్చు.

ఇక అభిరామ్ సినిమా.. దర్శకుడు తేజకు ఉన్న ఇమేజ్పైనే ఆధారపడి ఉంది. కానీ ఇప్పటికే రిలీజైన ట్రైలర్.. ఆయన తీసిన పాత సినిమాల తరహాలోనే ఉందంటున్నారు. లవ్ అండ్ యాక్షన్ నేపథ్యంలో రూపొందిన ఈ చిత్రంలో గీతికా తివారి హీరోయిన్. ఆనంది ఆర్ట్‌ క్రియేషన్స్‌ పతాకంపై పి.కిరణ్‌ నిర్మించారు. దర్శకుడు తేజ శిష్యుడైన రాఖీ ఉప్పలపాటి అనే కొత్త దర్శకుడు రూపొందించిన 'నేను స్టూడెంట్ సర్' సినిమా ట్రైలర్ ఫ్యాన్స్కు పర్వాలేదనిపించింది. కానీ బజ్ అంతగా క్రియేట్ అవ్వలేదు. 'నాంది' ఫేమ్‌ సతీష్‌ వర్మ నిర్మించారు. చూడాలి మరి ఈ రెండు చిత్రాలు ఏం చేస్తాయో..