క్రిస్మస్ పండగను సెలబ్రిటీలు గ్రాండ్గా చేసుకున్నారు. తమ కుటుంబాలతో కలిసి సరదాగా గడిపారు. ఈ క్రమంలోనే అక్కినేని ఫ్యామిలీ కూడా అంతా ఒక చోట చేరి క్రిస్మస్ వేడుకలను ఘనంగా చేసుకుంది. ఈ వేడుకలో అక్కినేని ఫ్యామిలీకి సంబంధించిన కజిన్స్ అందరు పాల్గొన్నారు. ఈ వేడుకలో హీరో అఖిల్, సుమంత్లతో పాటుగా మరికొంత మంది ఉన్నారు. కానీ నాగచైతన్య మాత్రం ఈ వేడుకలో కనిపించలేదు. దీనికి సంబంధించిన ఫొటోను సోషల్మీడియాలో పోస్ట్ చేస్తూ.. "అందరికి క్రిస్మస్ శుభాకాంక్షలు, ప్రేమ, సంతోషంతో అందరు హ్యాపీగా ఉండాలని కోరుకుంటున్నాను" అని రాసుకొచ్చారు హీరో అఖిల్.
అయితే ఇక ఈ పార్టీలో ప్రత్యేక ఆకర్షణగా నిలిచాడు హీరో అడవి శేష్. అక్కినేని కజిన్స్తో పాటు అడివి శేష్ కూడా ఉండటంతో అభిమానుల్లో పలు ఆసక్తికరమైన అనుమానాలు రేకెత్తుతున్నాయి. ప్రస్తుతం ఈ పిక్ సోషల్ మీడియాలో వైరల్ గా మారింది. అక్కినేని కజిన్స్ పార్టీలో అడవి శేష్ ఎందుకు ఉన్నాడు? త్వరలోనే ఏదైనా న్యూస్ వినబోతున్నామా? అంటూ ఈ పిక్ చూసిన అభిమానులు కామెంట్స్ చేస్తున్నారు.
ఇకపోతే అడవి శేష్ కూడా మీ పార్టీలో నన్ను భాగస్వామ్యం చేసినందుకు 'థ్యాంక్స్ అఖిల్ బ్రో' అంటూ రాసుకొచ్చాడు. కాగా, ప్రస్తుతం అఖిల్.. సురేందర్ రెడ్డి దర్శకత్వంలో ప్రతిష్టాత్మకంగా తెరకెక్కుతున్న 'ఏజెంట్' చిత్రంలో నటిస్తున్నాడు. భారీ అంచనాలతో నిర్మించిన ఈ చిత్రం త్వరలోనే ప్రేక్షకుల ముందుకు రాబోతుంది.
