Adipurush Movie Telugu Theatrical Rights : పాన్ ఇండియా స్టార్ ప్రభాస్ లీడ్ రోల్లో తెరకెక్కుతున్న 'ఆదిపురుష్' మూవీ మరో మూడు రోజుల్లో థియేటర్లలో విడుదలకు సిద్దంగా ఉంది. పాన్ వరల్డ్ లెవెల్లో రిలీజ్ కానున్న ఈ సినిమాకు ఓవర్సీస్తో పాటు ఇండియాలోని పలు ప్రాంతాల్లో అప్పుడే అడ్వాన్స్ బుకింగ్స్ కూడా మొదలైపోయాయి. ఈ క్రమంలో టిక్కెట్ల కొనుగోలు కూడా జోరుగా సాగుతోంది. ఈ సినిమాను హిందీలో టీ సిరీస్ సంస్థ నిర్మించగా.. ప్రభాస్ హోమ్ బ్యానర్గా వ్యవహరిస్తూ వస్తున్న యూవీ క్రియేషన్స్ కూడా ఈ చిత్రానికి నిర్మాణ బాధ్యతలు చేపట్టింది. యూవీకి తెలుగులో డిస్ట్రిబ్యూషన్ వ్యవస్థ ఉన్నందున ఇక్కడ కూడా వాళ్ళే సినిమా డిస్ట్రిబ్యూషన్ పనులను చేస్తారని అందరూ భావించారు. కానీ అనూహ్యంగా 'ఆదిపురుష్' తెలుగు రాష్ట్రాల థియేట్రికల్ రైట్స్ను ప్రముఖ సంస్థ పీపుల్ మీడియా ఫ్యాక్టరీ సొంతం చేసుకుంది. అయితే ఎంతకు కొనుగోలు చేసిందన్న విషయంపై అనేక రూమర్స్ నెట్టింట హల్ చల్ చేశాయి. భారీ స్థాయిలో రైట్స్ అమ్ముడుపోయినట్లు గుసగుసలు వినిపించాయి.
దీనికి పీపుల్ మీడియా ఫ్యాక్టరీ అధినేత టీజీ విశ్వప్రసాద్ చెక్ పెట్టారు. అసలు విషయాన్ని స్పష్టం చేసినట్లు తెలుస్తోంది. దాదాపు రూ. 165 కోట్లుకు 'ఆదిపురుష్' తెలుగు రైట్స్ కొన్నది వాస్తవమే అంటూ ఆయన అంగీకరించారని సమాచారం. జీఎస్టీతో కలిపి ఈ రైట్స్ దాదాపు రూ. 185 కోట్లకు కొనుగోలు చేశారని తెలుస్తోంది. ఈ సినిమా తెలుగు రాష్ట్రాల థియేట్రికల్ రైట్స్ను తొలుత యూవీ క్రియేషన్స్ రూ.100 కోట్లకు కొనుగోలు చేసినట్లు ప్రచారం సాగింది. కానీ పీపుల్స్ సంస్థ ఎంట్రీతో ఈ రూమర్స్పై క్లారిటీ వచ్చినట్టైంది.
- " class="align-text-top noRightClick twitterSection" data="">
విజయ్ సినిమాకు వెనక్కినెట్టి..
Adipurush First Day Collection Prediction : ఇక ఈ సినిమా రోజురోజుకూ అభిమానుల్లో భారీ స్థాయిలో అంచనాలను పెంచేస్తోంది. విడుదల తేదీ దగ్గర పడుతున్న కొద్దీ ఆదిపురుష్ తొలిరోజు బాక్సాఫీస్ కలెక్షన్లు ఎలా ఉంటాయో అన్న చర్చ నెట్టింట మొదలైంది. తొలుత మిశ్రమ టాక్ అందుకున్న ఈ మూవీకి ఇప్పుడు సర్వత్రా పాజిటివ్ రెస్పాన్స్ వస్తోంది. ఇప్పటికే హిందీలో అడ్వాన్స్ బుకింగ్స్ జోరందుకున్నాయి. తాజా సమాచారం ప్రకారం 'ఆదిపురుష్' టాప్ 10 ఇండియన్ ఓపెనర్ల జాబితాలోకి ప్రవేశించే అవకాశం ఉందని సినీ వర్గాల టాక్.
'ఆదిపురుష్' అడ్వాన్స్ బుకింగ్స్తో పాటు బహుమతుల రూపంలో అభిషేక్ అగర్వాల్, రణబీర్ కపూర్, లాంటి ప్రముఖులు పంపిణీ చేస్తున్న టిక్కెట్లన్నింటిలి లెక్కేస్తే ఓపెనింగ్స్లో ఆదిపురుష్ భారీ స్థాయిలో వసూళ్లు చేయనందని ట్రేడ్ వర్గాల టాక్. అంతే కాకుండా 2022లో రూ. 49.30 కోట్లతో టాప్ ఓపెనింగ్స్తో ఉన్న విజయ్ 'బీస్ట్' మూవీని మించి కలెక్షన్లు రాబడుతుందని అభిమానులు అభిప్రాయపడుతున్నారు.
- " class="align-text-top noRightClick twitterSection" data="">
