గతకొన్ని రోజులుగా తెలుగు చిత్ర పరిశ్రమలో రీరిలీజ్ ట్రెండ్ నడుస్తోంది. ఇప్పటికే వెండితెరపై రెండోసారి రిలీజైన ఒక్కడు, జల్సా, ఖుషీ, పోకిరి, బాద్షా, గ్యాంగ్లీడర్, వర్షం.. భారీగా వసూళ్లు రాబట్టాయి. 4కే వెర్షన్లో రీరిలీజ్ అయ్యి.. ఆయా హీరోల ఫ్యాన్స్ను ఖుషీ చేశాయి. ఇప్పుడు మరో సూపర్ హిట్ ఫిల్మ్ 'అలా మొదలైంది' కూడా థియేటర్లలోకి రాబోతుంది. నాని పుట్టినరోజు సందర్భంగా ఈ సినిమాను ఫిబ్రవరి 24న ప్రపంచవ్యాప్తంగా రీరిలీజ్ చేయబోతున్నారట.
నేచురల్ స్టార్ నాని, నిత్యా మీనన్ జంటగా నటించిన ఈ సినిమాకు అప్పట్లో మంచి రెస్పాన్స్ వచ్చింది. ఇందులో నాని, నిత్య కెమిస్ట్రీ కూడా ఆడియన్స్ను విపరీతంగా ఆకట్టుకుంది. సినిమానే కాదు.. ఇందులోని సాంగ్స్ సైతం శ్రోతలను ఆకట్టుకున్నాయి. ఈ సినిమాతో తెలుగు వెండితెరకు పరిచయమైన నిత్య.. సింగర్గానూ మెప్పించింది. ఈ సినిమాకు కల్యాణ్ మాలిక్ సంగీతం అందించారు.
