2023 Tollywood Movies : 2023 ముగిసేందుకు ఇంకొన్ని రోజులు మాత్రమే ఉంది. మరో కొత్త ఏడాదికి వెలకమ్ చెప్పేందుకు సమయం ఆసన్నమైంది. దీంతో ప్రతి ఒక్కరు క్రిస్మస్, న్యూ ఇయర్ను గ్రాండ్గా జరుపుకునేందుకు ఎదురు చూస్తున్నారు. ఇక మూవీ స్టార్స్ కూడా డిసెంబర్లో తమ సినిమాలతో ప్రేక్షకులను అలరించి కొత్త సంవత్సరాన్ని తీయ్యని కబురుతో శుభారంభం చేసేందుకు సిద్ధంగా ఉన్నారు. ఈ క్రమంలో ఈ వింటర్ క్యాలెండర్ మొత్తం సినిమాలతో నిండిపోయింది. చిన్న పెద్దా తేడా లేకుండా అన్ని జానర్స్ సినిమాలు తెరపై వెలిగేందుకు రెడీగా ఉన్నాయి. అయితే ఎన్నడూ లేని విధంగా ఈ నెలలో పలు కీలకమైన సినిమాలు ప్రేక్షకుల ముందుకొస్తున్నాయి. మరీ ఈ ఏడాది ఎలా సాగిందంటే..
సంక్రాంతి బరిలో అగ్ర తారల సినిమాలు పోటీ పడ్డాయి. అందులో మెగాస్టార్ చిరంజీవి 'వాల్తేర్ వీరయ్య', నందమూరి బాలకృష్ణ 'వీరసింహారెడ్డి', అజిత్ 'తెగింపు', విజయ్ 'వారిసు' సినిమాలు భారీ బడ్జెట్తో తెరకెక్కి ప్రేక్షకుల ముందుకొచ్చాయి. ఈ నాలుగు సినిమాలు ఆశించిన స్థాయిలో హిట్ టాక్ అందుకుని బాక్సాఫీస్ వద్ద కలెక్షన్లు కూడా అందుకున్నాయి. ఆ తర్వాత ఫిబ్రవరీలో చిన్న చిత్రాలు సందడి చేశాయి. అందులో 'రైటర్ పద్మ భూషణ్', 'సార్' సినిమాలు ప్రేక్షకులను అలరించాయి. 'అమిగోస్', 'మైఖెల్', మాత్రం అంచనాలను అందుకోలేకపోయాయి. ఇక 'వినరో భాగ్యము విష్ణు కథ' మాత్రం మిక్స్డ్ టాక్తో సాగింది.
ఇక మార్చిలో విడుదలైన 'బలగం', 'దసరా' సినిమాలు కూడా బాక్సాఫీస్ వద్ద సెన్సేషన్ క్రియేట్ చేశాయి. అయితే 'విరూపక్ష' మినహా ఏప్రిల్లో చెప్పుకోదగ్గ హిట్ మూవీస్ లేకపోవడం సినీ ప్రియులను నిరాశకు గురిచేసింది. 'శాకుంతలం', 'రావణాసుర', 'కిసీకా భాయ్ కిసీ కీ జాన్', 'ఏజెంట్' సినిమాలు బాక్సాఫీస్ వద్ద ఆశించిన స్థాయిలో టాక్ అందుకోలేకపోయాయి.
వేసవిలో దాదాపు 13 సినిమాలు పోటీ పడ్డాయి. అందులో 'కస్టడీ', 'రామబాణం', 'మళ్లీ పెళ్లి' మాత్రం మిక్స్డ్ టాక్ అందుకోగా..'ఉగ్రం' సినిమా మాత్రం సర్ప్రైజ్ సక్సెస్గా నిలిచింది. ఇక డార్లింగ్ ఫ్యాన్స్ ఎంతగానో ఎదురు చూసిన 'ఆదిపురుష్' మూవీ జూన్లోనే విడుదలైంది. బాక్సాఫీస్ వద్ద మంచి కలెక్షన్లు అందుకున్నప్పటికీ తీవ్ర విమర్శలు ఎదుర్కొంది. ఇక చిన్న బడ్జెట్తో తెరకెక్కిన 'ఇంటింటి రామాయణం', 'మేమ్ ఫేమస్' లాంటి సినిమాలు కంటెంట్ పరంగా మంచి మార్కులు కొట్టేశాయి. ఇక 'సామజవరగమన' మాత్రం సూపర్హిట్గా నిలిచింది.
మరోవైపు జూన్, జులైలో మాత్రం డజనుకు పైగా సినిమాలు విడుదలైయ్యాయి. అందులో 'బేబీ', బ్రో సినిమాలు బాక్సాఫీస్ వద్ద కాసుల వర్షం కురిపించాయి. 'భోళా శంకర్', 'బెదురులంక 2012', 'గాండీవధారి అర్జున' సినిమాలు ఆగస్టు బాక్సాఫీస్ బరిలోకి వచ్చాయి. అయితే అందులో 'బెదురులంక' తప్ప మిగతా రెండు సినిమాలు హిట్ మార్క్ను అందుకోలేకపోయాయి. మరోవైపు డబ్బింగ్ సినిమాగా ప్రేక్షకుల ముందుకొచ్చిన 'జైలర్' అనూహ్య విజయాన్ని అందుకుని బాక్సాఫీస్ షేక్ చేసింది.
ఇక సెప్టెంబర్లో విడుదలైన 'ఖుషి', 'స్కంద', 'పెదకాపు 1' మిక్స్డ్ టాక్ అందుకున్నాయి. అయితే 'మిస్ శెట్టి మిస్టర్ పొలిశెట్టి' మాత్రం ఇటు భారత్తో పాటు అటు ఓవర్సీస్లోనూ దూసుకెళ్లింది. ఇదే నెలలో విడుదలైన 'జవాన్' సినిమా కూడా ఇండస్ట్రీ హిట్గా నిలిచింది. అక్టోబర్లో వచ్చిన 'భగవంత్ కేసరి', నవంబర్లో విడుదలైన 'మా ఊరి పొలిమేర 2' , 'కోటబొమ్మాళి పీఎస్', 'మంగళవారం' సినిమాలు మంచి టాక్ అందుకుని కలెక్షన్ల పరంగానూ జోరు చూపించాయి.
అలా 11 నెలలు కొంచం ఇష్టం కొంచం కష్టంగా గడిచిపోగా.. డిసెంబర్ మాత్రం రెట్టింపు జోష్ను ఇచ్చేందుకు సిద్ధంగా ఉంది. 'యానిమల్' హిట్తో శుభారంభం కాగా.. 'సలార్', 'డంకీ', 'హాయ్ నాన్న', 'ఎక్స్‌ట్రా- ఆర్డినరీమేన్‌' సినిమాలు తమ అదృష్టాన్ని పరీక్షించుకునేందుకు సిద్ధంగా ఉన్నాయి. దీంతో మూవీ లవర్స్ కూడా తమ ఫేవరట్ హీరోలకు బ్రేక్ ఇచ్చేందుకు ఆతృతగా ఎదురుచూస్తున్నారు. ఇదే జోరు ఈ నెలంతా కొనసాగిందంటే 2023 విజయవంతంగా ముగిసినట్టే అని విశ్లేషకులు అంటున్నారు.
114 రోజుల్లో షూటింగ్ - ఆ సీక్రెట్ రివీల్ చేసిన 'సలార్' డైరెక్టర్!
'నాన్న' మెప్పిస్తాడా?- ఈ వారం థియేటర్/ ఓటీటీలో సందడి చేయనున్న సినిమాలు, వెబ్సిరీస్లివే!
