Jim Carrey Retirment: 'సోనిక్ ది హెడ్జ్హాగ్ 2' మూవీ విడుదల తర్వాత నటన నుంచి సుదీర్ఘ విరామం తీసుకుంటానని హాలీవుడ్ స్టార్ యాక్టర్ జిమ్ క్యారీ(60) చెప్పాడు. ఇప్పటివరకు తాను చాలా సినిమాల్లో నటించానని.. ఇక పూర్తిగా ఇండస్ట్రీ నుంచి వైదొలగడం లేదా విరామం తీసుకోవడం గురించి ఆలోచిస్తానని అన్నాడు.
"నేను రిటైర్మెంట్ విషయంలో సీరియస్గానే ఉన్నాను. బహుశా.. దేవదూతలు బంగారు సిరాతో రాసిన స్క్రిప్ట్‌ను నా దగ్గరకు తీసుకువస్తే, ప్రజలు అది చూడటం చాలా ముఖ్యమని నాకు అనిపిస్తే మళ్లీ సినిమాలో నటిస్తాను. కానీ ప్రస్తుతం మాత్రం విరామం తీసుకుంటున్నాను. నిశ్శబ్ద, ఆధ్యాత్మిక జీవితాన్ని అనుభవిస్తూ నాకిష్టమైన పెయింటింగ్స్ వేయాలనుకుంటున్నాను."
- - జిమ్ క్యారీ, హాలీవుడ్ నటుడు
క్యారీ తన నటజీవితంలో విరామాలు తీసుకోవడం కొత్తేమి కాదు. 'డంబ్ అండ్ డంబర్ టూ' చిత్రం తర్వాత చాలా కాలానికి 'సోనిక్ ది హెడ్జ్హగ్'లో కీలక పాత్రలో క్యారీ నటించాడు. ఈ మధ్య సమయంలో ది 'బ్యాడ్ బ్యాచ్', 'డార్క్ క్రైమ్స్' చిత్రాల్లోనూ నటించాడు. 'సోనిక్ ది హెడ్జ్హాగ్ 2'లో బెన్ స్క్వార్ట్జ్ , టికా సంప్టర్, జేమ్స్ మార్స్‌డెన్, నటాషా రోత్‌వెల్ వంటి దిగ్గజ నటులు ఉన్నారు.
ఇదీ చదవండి: చెంప దెబ్బ ఎఫెక్ట్.. విల్ స్మిత్ షాకింగ్ నిర్ణయం
