వివాహిత ఆత్మహత్య.. గుర్తుతెలియని వ్యక్తి వేధింపులే కారణమా?

భర్త, పిల్లలతో సంతోషంగా గడపాల్సిన ఓ ఇల్లాలు... అర్ధాంతరంగా జీవితాన్ని ముగించేసింది. ఏం జరిగిందో, ఏం కష్టం వచ్చిందో తెలియదు కానీ... ఇంట్లో ఎవరులేని సమయంలో ఉరేసుకుని ఆత్మహత్యకు పాల్పడింది. ఈ ఘటన మేడ్చల్ జిల్లాలో చోటుచోసుకుంది.

మేడ్చల్​ జిల్లా జగద్గిరిగుట్ట పోలీస్​స్టేషన్ పరిధిలో విషాదం చోటుచేసుకుంది. ఓ వివాహిత ఉరేసుకుని ఆత్మహత్యకు పాల్పడింది.

అసలేం జరిగిందంటే...

జగద్గిరిగుట్ట పరిధి నెహ్రూనగర్​లో రజనీ(30), రాజు దంపతులు నివాసముంటున్నారు. ఆమె టైలర్​గా పనిచేస్తుండగా.. రాజు ప్రైవేటు ఉద్యోగి. సోమవారం సాయంత్రం రజనీ ఇంట్లో ఉరేసుకుంది.

సమాచారం అందుకున్న పోలీసులు... మృతదేహాన్ని గాంధీకి తరలించారు. గుర్తు తెలియని వ్యక్తి వేధింపులతోనే రజనీ ఆత్మహత్య చేసుకున్నట్లు భర్త రాజు ఆరోపించారు. ఈ మేరకు పోలీసులు కేసు నమోదు చేసుకుని దర్యాప్తు చేపట్టారు.

• ఇదీ చూడండి : మాస్కు లేకుండా బయటకు వస్తే జరిమానానే: జీహెచ్ఎంసీ