husband cheating wife: కలకాలం కలిసుంటాడనుకున్న భర్తే చివరకు ఆమె పాలిట శాపంగా మారాడు. తనను వదిలించుకునేందుకు...కట్టుకున్న భర్తనే స్టెరాయిడ్స్ ఇచ్చి చంపడానికి యత్నించాడని ఆర్మూర్కి చెందిన ఓ మహిళ నిజామాబాద్ కలెక్టరేట్కు వచ్చి ప్రజావాణిలో కలెక్టర్కు ఫిర్యాదు చేసింది.
అసలు ఏం జరిగిందంటే...
పెళ్లై బాబు పుట్టిన తర్వాత నుంచి వెళ్లిపొమ్మంటూ వేధించినా పుట్టింటి వారి పరిస్థితి బాగోలేక వెళ్లలేదని.. ఆ సమయంలో చర్మ సమస్య రాగా.. చికిత్స అంటూ తన భర్త స్టెరాయిడ్ ఇంజెక్షన్లు చేశాడని బాధిత మహిళ వాపోయింది. ఆరోగ్యం క్షీణిస్తోందని నిజామాబాద్లో ఓ ఆస్పత్రికి వెళ్లగా వైద్యుడు పరిశీలించి స్టెరాయిడ్స్ ఇచ్చారని చెప్పారు. దాంతో భర్త చేసిన మోసం తెలుసుకొని ఆమె వాపోయింది. ఇంకొన్ని రోజులు తీసుకుని ఉంటే మరణించేదాన్ని అని ఆవేదన వ్యక్తం చేసింది.
ఈ విషయంపై అడిగితే ఇబ్బందులు పెట్టాడని.. పెద్దల సమక్షంలో పంచాయితీ చేసినా న్యాయం జరగలేదని.. పోలీసులకు ఫిర్యాదు చేసినా పట్టించుకోలేదని బాధితురాలు తెలిపింది. అందుకే న్యాయం కోసం కలెక్టర్కు ఫిర్యాదు చేసేందుకు వచ్చానని చెప్పారు. బాధిత మహిళ స్రవంతికి గంగసాగర్తో 2017 లో వివాహమైంది. ప్రస్తుతం వీరికి 4 ఏళ్ల బాబు ఉన్నాడు. గంగసాగర్ ప్రైవేటు ఆస్పత్రిలో కాంపౌండర్గా పని చేస్తున్నాడు.
ఇదీ చదవండి:Man Suicide at pochampad : విషాదం.. స్నేహితుడి మృతి తట్టుకోలేక వ్యక్తి ఆత్మహత్య
