అదుపు తప్పి కారు బోల్తా.. ఇద్దరు యువకులు దుర్మరణం

సంగారెడ్డి జిల్లా ఉప్పర్​పల్లి తండా శివారులో జరిగిన రోడ్డు ప్రమాదంలో గాయపడిన ఇద్దరు యువకులు మృతి చెందారు. సోమవారం రాత్రి కారు అదుపు తప్పి ఆ యువకులు తీవ్రంగా గాయపడ్డారు. చికిత్స పొందుతూ జహీరాబాద్ ప్రభుత్వ ఆస్పత్రిలో మృతి చెందారు.

కారు అదుపు తప్పి బోల్తా పడిన ఘటనలో తీవ్రంగా గాయపడిన ఇద్దరు యువకులు చికిత్స పొందుతూ మృతి చెందారు. సంగారెడ్డి జిల్లా మొగుడంపల్లి మండలం ఉప్పర్​పల్లి తండా శివారులో సోమవారం రాత్రి కారు అదుపుతప్పి బోల్తా పడింది. ఈ ప్రమాదంలో కర్ణాటక కలబుర్గి జిల్లా చించోలి తాలూకా కాల్బావి తండాకు చెందిన చేతన్ జాదవ్, ఆనంద్ పవార్ తీవ్రంగా గాయపడ్డారు.

క్షతగాత్రులను జహీరాబాద్ వైద్యవిధాన పరిషత్ గాంధీ ఆస్పత్రికి తరలించగా చికిత్స పొందుతూ మృతిచెందారు. ఘటనా స్థలాన్ని చిరాగ్​పల్లి ఎస్సై కాశీనాథ్ పరిశీలించి... కేసు నమోదు చేసుకుని దర్యాప్తు చేస్తున్నట్లు తెలిపారు.

ఇదీ చదవండి: క్షుద్రపూజల ఉదంతంలో అదృశ్యమైన బాలిక ఆచూకీ లభ్యం