హైదరాబాద్‌ ఉప్పల్లో విషాదం చోటు చేసుకుంది. కంటైనర్కు మంటలు అంటుకొని ఇద్దరు సజీవదహనం అయ్యారు. రాజస్థాన్కు చెందిన సెహ్జద్‌, బిహార్‌ వాసి గంగసాగర్‌ గుజరాత్‌ నుంచి కార్ల లోడుతో కంటైనర్ తీసుకొని బయలుదేరారు.
కంటైనర్లో మంటలు
తెల్లవారుజామున ఉప్పల్ పారిశ్రామిక వాడకు చేరుకున్న వీరు... అక్కడ మోడ్రన్‌ బ్రిడ్జి వద్ద రోడ్డు పక్కన కంటైనర్ నిలిపి నిద్రపోయారు. ఈ క్రమంలో కంటైనర్పై ఉన్న విద్యుత్ తీగలు తగిలి... మంటలు చెలరేగాయి. ప్రమాదంలో ఇద్దరు సజీవ దహనమయ్యారు. కంటైనర్‌లోని కొన్ని కార్లు కాలిపోగా.. మరికొన్ని దెబ్బతిన్నాయి. ఘటనాస్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.
ఇదీ చూడండి: ప్రైవేటు ఆస్పత్రుల దౌర్జన్యం... లక్షల్లో వసూలు
